قال المخرج يسرى نصر الله إن عدم غزارة أعماله الفنية يعود إلى الوقت الطويل الذى يستغرقه فى العثور على العمل المناسب الذى يحظى باهتمامه. وأضاف نصر الله، عبر تصريحات تليفزيونية له، «أعمالى ليست غريزة فى الإنتاج لأنى عاوز سيناريو حلو، وباخد وقت عشان ألاقى ده، ووقت أكبر فى التنفيذ والإخراج الذى يحتاجه الفيلم، وعاوز أعمل الفيلم زى اللى أنا عايزه، وزى ما لازم يتعمل وأدور على المنتج المناسب». وأشار نصر الله قائلاً: «إذا لم أشعر بأن الفيلم طالع من قلبى مقدرش أعمله». ورداً على سؤال بشأن كتابته لأعماله قال: «مش شرط، لازم أقع فى غرام السيناريو زى (احكى ياشهرزاد) و(منورة بأهلها)، مش أنا اللى كاتبهم لكن فيه سيناريو حلو وقعت فى غرامه وحسيت أنه بتاعى». وذكر أنه يعشق السينما منذ صغره ونعومة أظافره منذ عمر 6 سنوات، عندما كان يشاهد الأفلام فى السينما برفقة والده وشقيقته ناهد نصر الله.