قال الفنان تامر حسني، إنه لا يربط أغانيه بحياته الشخصية.
وكتب تامر حسنى عبر حسابه بموقع التواصل الاجتماعى انستجرام: «ملاحظ إن فى بعض التعليقات كل ما أنزل موضوع أغنية أو هزار معاكم، بعض الناس بيربطوه بحياتى الشخصية، ده غلط يا جماعة، أولاً مش أنا اللى ممكن أعمل كده».
وأضاف: «رغم الظروف الحالية.. مازلت أكن لبسمة كل الحب والاحترام، ده غير إن هى شاركتنى فى اختيار أغانيا ومهما يحصل دى فى دمى وأم أولادى وعلاقتنا كويسة جداً دلوقتى ولو طلبت عنيا مش هتأخر».
وتابع: «تانى حاجة أنا بحب أهزر معاكم دايماً من يوم طلوعى لو فى أغنية أو نكتة حلوة أو إفيه حضر فى دماغى أنا على طبيعتى معاكم، ثالث حاجة الفنان الحقيقى اللى بيعبر عن مشاعر كل الناس فى كل حالاتهم، يعنى أنا بفرح لما بلاقى أغانيا بتغنوها وإحساسها واصلكم، لأنى بتعب عشان أكتب الكلام اللى نفسكم تقولوه إنتوا».
واختتم تامر حسنى مازحاً: «ده لسة فى أغانى توجع أوى نازلة قريب إن شاء الله.. كده مش هنزلها».
يذكر أن تامر حسنى طرح مؤخرا أغنية «مش هتغير علشان حد» وهى ثالث أغانى ألبومه الجديد «هرمون السعادة» عبر قناته الرسمية بقناته الرسمية بموقع الفيديوهات الشهير «يوتيوب».