تحدث الفنان عصام كاريكا عن تعاونه مع الفنان الراحل فؤاد المهندس فى فوازير «عمو فؤاد»، التى كانت تعرض فى تسعينيات القرن الماضى. وأعرب الفنان عصام كاريكا، عن سعادته البالغة بتعاونه مع الراحل فؤاد المهندس فى بداية مشواره الموسيقى، وذلك خلال لقائه مع الإعلامية نورهان عبدالفتاح فى برنامج «زوم ونص»، إذ قال: «الواحد لما يتحط فى تاريخه إنه اشتغل مع الفنان فؤاد المهندس، وإنه غنى من ألحانى فدى حاجة كبيرة وشرف ليا». وكشف عصام كاريكا، كواليس تعاونه مع الفنان فؤاد المهندس، موضحاً: «الأستاذ فؤاد كان بيعمل فوازير اسمها عمو فؤاد وكانت مشهورة أوى فى تسعينيات القرن الماضى، وقدمها 12 سنة ورا بعض. وكلمونى قالولى عايزينك تعمل مزيكا لفوازير فؤاد المهندس». وأضاف عصام كاريكا: «الأستاذ فؤاد كان عمره 82 سنة وقتها، واللى جه فى بالى وقتها أنا إزاى أخلى حد عنده 82 سنة يغنى والناس تتقبله، والحمد لله عملتله الأغانى ونجحت». وعن لقائه بالراحل فؤاد المهندس، أوضح: «لما جالى الاستوديو عشان نسجل ونعمل الأغانى كان تعبان جداً وبيسندوه، ربنا يرحمه كان ومازال أسطورة فنية كبيرة».