تحدثت الفنانة حنان يوسف عن دور «أم جابر» الذى تقدمه فى مسلسل «سفاح الجيزة»، مشيرة إلى أن هذه الشخصية أثرت عليها كثيراً، ولا تستطيع الخروج منها بسهولة.
وقالت حنان يوسف، عبر تصريحات تليفزيونية لها: «الشخصيات زى دى لازم تتقمص، ممكن أعمل شخصيات غير دى من غير ما أتقمص، لكن دى من الشخصيات اللى لازم أبقى أنا هي؛ علشان هتضحك إزاى.. هتمشى إزاى.. تفاصيل كتير لازم أبلعها وأطلعها، ودى صعوبتها لأنها أثرت على دماغى جامد».
وتابعت: «حصلتلى مرة قبل كده فى (الطوق والأسورة) شخصية «الحدادة» قعدت فترة طويلة فى الشخصية مش بطلع منها لما العمل يخلص، مرة كنت بعمل فيلم من إخراج بشير الديك وقالى إنتى مش الحدادة.. شخصية أم جابر دى عملت فيا كده».
مسلسل «سفاح الجيزة» بطولة أحمد فهمى، ركين سعد، باسم سمرة، صلاح عبدالله، داليا شوقى، جيهان الشماشرجى، هايدى خالد، ومن إخراج هادى الباجورى وسيناريو وحوار إنجى أبو السعود وعماد مطر.