فى أحد الحوارات الصحيفة، سُئل الفنان الراحل محمود عبدالعزيز عن علاقته بالفنان محمود ياسين رحمة الله عليهما، فقال: «محمود ياسين أخويا الكبير مقاماً مش سناً، ده شخصية ما تتلخصش فى كلمة واحدة، هو محب للآخرين دايماً، أنا لما قابلته أول مرة حسيت إنه أكتر من أخ ليا، وأول ما دخلت احتضنى وطمنى وقال لى ما تقلقش، محمود ياسين قطع عقد عمل كان جايلى من الخارج، وكنت مسافر، وكنت واصل لدرجة ضيق شديد جداً، قال لى لا أنت هتكمل ما تسافرش، كلام من واحد كنت أتمنى أشوفه مش أمثل معاه، محمود سواحلى وفلاح وصعيدى، عجينة مصر معجونة بمحمود ياسين، أنا بحبه جداً إلى أقصى درجات الحب اللى فى العالم».