كشفت الفنانة فريدة سيف النصر عن الصور الأولى لفيلم «فرقة الموت» الذى تشارك به بجانب كل من أحمد عز، وآسر ياسين، ومنة شلبى. كتبت فريدة سيف النصر على حسابها بموقع «فيسبوك»: «فى يوم جميل والهواء شديد جداً بقى يدخل الهدوم زى البراشوت، وضحكتْ ضحك عمرى برغم الألم والله .الفيلم ده من تلات أفلام وكبار جداً هو اللى بعمله.. أنا غريبة مش أى شخصية تشدنى.. والله كلنا فى الشغل مالناش سيرة غير غزة، لكن ده شغلنا». وكشفت فريدة سيف النصر عن اسم الشخصية، وقالت: «(المعلمة قشطة)، فى فرقة الموت، مع الجمال والأدب والذوق سوبر ستار أحمد عز.. سعيدة أنى بتقابل مع جيل جديد.اتفاجأت أن عز عارف شغلى وكمان وهو بيتفرج عليا وأنا بصور عمال يشكر فيا. والأحلى مدير التصوير هو بتاع (بدون ذكر أسماء)، واتكلم عز على نور الشريف بحب وإنى محظوظة عملت معاه أهم أعمالى وهو عمل معاه واهتم بيه جداً.. ومحمود عبدالعزيز وجماله...وقد إيه بيحبهم، وكان نفسه يشتغل مع عاطف الطيب.. أنا عملت (جبر الخواطر) معاه وخدت جايزة من نادر جلال، أنا بجد أحمد الله محظوظة فى الجيل اللى حضرته وأنا صغيرة من نجوم مش هاتتكرر، اتعلمت على إيديهم. والجيل ده بتاع عز وأنا كبيرة. عندنا أجيال هاتكمل بجدارة».