فى أحد الحوارات مع الفنان الراحل أحمد زكى، تحدث عن شخصيته العصبية خاصة أنه كان يقال عليه دائماً أنه شخص عصبى. سأله المذيع: بيقولوا إنك شخص عصبى جداً وفى عصبيتك بتبقى شخص تانى. أحمد زكى: لأ، أنا عصبى جداً جداً جداً بشكل مجنون، لأن لسه عندى شوية دم، لما تبقى بتقابل ناس عندهم لوع، وناس بتقلب الصدق كدب والباطل حق، إزاى حد يلف ويدور ويلاوع فى الكلام ومش عايزنى أبقى عصبي؟! وإزاى حد ببقى معاه أقرب الناس، رايح جاى معاه ويضربنى فى وشى مش فى ظهرى كمان، لازم أبقى عصبى، لما تبقى عصبى تبقى إنسان حى، لسه فيك بقايا حياة وقادر تحس.