أعرب الفنان كريم قاسم، عن سعادته بالمشاركة فى بطولة مسلسل «زينهم» مع الفنان أحمد داود. وقال كريم قاسم فى تصريحات له، إن «زينهم» أحسن حاجة حصلت له فى عام ٢٠٢٣، مستطرداً: «ودى حاجة كويسة الواحد يقفل بيها السنة». وتابع: «الشخصية متلبسانى أوى، وأى حد من أصحابى بيشتكى لى من حاجة فى جسمه بقيت بقول له ورينى كده وأقعد أفسر له وأتحقق من الموضوع.. كنت متخيل الموضوع هيبقى أصعب من كده، لكن اللذيذ إن الكاتب طبيب فكان فى مصطلحاته وتفسيره ساعدنا، وكان فيه أصدقاء دكاترة ساعدونا وبرده من كتر الفرجة على شخصيات الدكاترة قبل كده». وأضاف: «عندما قرأت الورق شعرت بأن شخصية جيمى مكتوبة لى، وإن هذا دورى»، موضحاً: «كنت متخيل هعمل فيه إيه، واللى اتنفذ كمان عدى اللى كنت متخيله». وأشار إلى أن العمل مع مخرج فاهم، وأيضاً العمل مع أحمد داود يشبه لعب الكورة، وكنا نساعد بعض ومستعدين بشكل جيد، مؤكداً أنه كان خائفاً فى بداية التصوير عند دخول المشرحة ورؤيته لأول جثة، إلى أن أعتاد الأمر مع الوقت. مسلسل «زينهم» بطولة أحمد داود، كريم قاسم، سلمى أبوضيف، هناء الشوربجى، محمد أبو داود، أحمد الرافعى، عماد رشاد، وآخرون، تأليف محمد سليمان عبد المالك، وإخراج يحيى إسماعيل.