كان معروفاً عن الفنانة مريم فخر الدين تلقائيتها الكبيرة فى اللقاءات التليفزيونية، وفى أحد اللقاءات سُئلت عن أصدقائها فى الوسط الفنى، فقالت: * مين صديقاتك فى الوسط الفنى؟ - شادية كانت صديقتى عمرى. * كانت؟! - أه، أصل أنا بحب أكلم الناس كتير، بس هى فى الفترة دى دلوقتى مبتحبش تكلم أى حد، فكل ما تدينى نمرة تليفونها أروح أنا مدياها لأى حد يطلبها منى، يعنى واحد فى الشارع يسألنى «مش عارفة نمرة مدام شادية؟»، أروح مديهاله علطول، مبحبش أحرج حد، وبعد كده شادية تروح تغير النمرة.. أخر مرة بقى قالتلى «والله ما أنا مدياكى النمرة بتاعتى تانى، ده إنتى ناقص تديها لكـلاب الشارع يكلمونى!»، بس وقالتلى لما أعوز أكلمك هبقى أكلمك، أنا بس مش هديكى النمرة.. بس، فمبقيناش نتكلم كتير زى زمان، بس هى طبعاً صديقة عمرى، عظيمة كإنسانة وكفنانة، وعظيمة فى كل حاجة، وبحبها قوى.