كشف الفنان عمرو وهبة، عن رغبته فى تقديم أدوار تراجيدية بخلاف الأدوار الكوميدية التى عُرف بها منذ بداياته الفنية. وقال عمرو وهبة، فى تصريحات تليفزيونية، «المعادلة دايماً إزاى أقدم الشخصية ويكون فى لمحة الناس تحبها، والأعمال الدرامية نقلة مهمة ونفسى فيها، ولكن هى محتاجة عمل مهم مع مخرج مؤمن إنى أقدر أعمل ده». وتحدث وهبة عن تفاصيل تحضيراته لشخصية «لذيذ» فى مسلسل «فى بيتنا روبوت» قائلاً: «عملنا بروفات كتير أوى علشان نخلى الناس تصدق أن ده روبوت، وفى تفاصيل بسيطة فى المسلسل ضمنية ممكن ماحدش ياخد باله منها، زى أن فى مشاهد كتير أنا واقف ومعنديش كلام، وأن مينفعش أتدخل فى الحوار لازم يتوجهلى سؤال». كما كشف عمرو وهبة، عن جديد أعماله الفنية، قائلاً: «كان في حاجات مطروحة رمضان ده ولكن مقدرتش أعملها بسبب تضارب مواعيد التصوير لأني كنت بصور مسلسل صوت وصورة، والسنة دي ظاهر ضيف شرف في كذا مسلسل مع أصدقائي اللي بحبهم، واعتذرت قبل كده عن أعمال، لأن أنا عايز أعمل حاجة مختلفة، وأفاجئ الناس».