اعترفت الفنانة فرح الزاهد بمعاناتها من «الوسواس القهرى» منذ كان عمرها 7 سنوات، وهو ما سبب لها متاعب تتمنى تجسيدها فى عمل سينمائى أو تليفزيونى. وقالت فرح الزاهد، عبر تصريحات تليفزيونية لها: «أنا عندى وسواس قهرى من وأنا عمرى 7 سنين، وده مرض اسمه سرطان الأمراض النفسية، والشخص المريض به عنده اكتئاب وقلق أكيد». وأضافت الزاهد «الوسواس القهرى مستويات وأنواع، والحمد لله أنا مش واصلة لدرجة إنى مش بسلم على حد أو اللى بيغسلوا إيديهم كتير، لكن لازم أنظم نفسى جدا». ورداً على سؤال: لماذا ترغب فى تناول موضوع الوسواس القهرى فى عمل فنى، قالت فرح الزاهد: «أنا عايشة فى كابوس طول الوقت، والأوقات اللى بفرح فيها قليلة جداً، وطول الوقت مخى شغال، وإحنا عندنا معاناة داخلية كبيرة جداً محدش يعرف عنها حاجة». يذكر أن فرح الزاهد عرض لها مؤخراً فى السينمات فيلم «عصابة عظيمة».