انتقد الفنان هشام إسماعيل برامج المقالب التى تعتمد على إهانة الفنان، مشيراً إلى أنها غير مجدية بالمرة. وقال هشام إسماعيل، عبر تصريحات تليفزيونية له: «اتعرض عليا من برنامج مقالب غير رامز، قالولى إنه برنامج مقالب قلتله لو مصطنع مش هعرف أمثله، ولو مش قايلى من الأول ممكن أبقى ألطف، وبرضه ممكن أبوظ البرنامج لو أنت مش قايلى، وفى النهاية رفضت». وأضاف هشام إسماعيل رأيه فى برامج المقالب قائلاً: «أنا ضد إهانة الفنان والإنسان لأن لو واحد بيقدملى دور بشوفه شايل رسالة بيقولها، فلو أنت مبتقولهاش وأنت لك قدرك واحترامك وفى إطار التمثيل، اتضرب واتبهدل براحتك فى العمل الفنى لكن خارجه باسمك الحقيقى وتهان، أنا ضد ده جداً وبيصعب عليا». وختم هشام إسماعيل حديثه قائلاً: «بتضايق برضه من المواطن اللى بيحتفى بالفكرة. عذبوهم.. إنهم فنانون! لا دى قلة ذوق إنك تهزق فنان أو إنسان فى العموم». ويشارك هشام إسماعيل فى 4 مسلسلات هذا السباق الرمضانى وهى «عتبات البهجة» و«كوبرا» و«لانش بوكس» و«صدفة».