حلت الفنانة غادة عادل ضيفة على البرنامج الإذاعى «ألبوم صور» من تقديم الإعلامية إيناس سلامة الشواف. وقالت غادة عادل عن حياتها الشخصية إنها تحب الخصوصية فى حياتها»، موضحة: «مبحبش حد يصور حياتى الخاصة، وبفضل صورتى قدام الناس تكون حقيقية». وتحدثت غادة عادل عن طريقة التعامل فى حياتها، مشيرة إلى أنها لا تحب الصور الثابتة وتعتبرها تنمراً، ولا الحكم على الآخرين قائلة: «لو بعمل حاجة كويسة أو مش مقبولة هفضل زى منا». وأشارت غادة عادل إلى أنها تعيش حياتها بشكل طبيعى قائلة: «أنا إنسانة طبيعية تعيش حياة بعمل فيها كل حاجة، وبطلت أبرر لنفسى ومش ومحتاجة أوضح حاجة.. اللى عاوز يفهم غلط هو حر». وكشفت غادة عادل عن صدمتها فى الكثير من الأشخاص فى حياتها موضحة: «مش مسموح لحد يعمل لحياتى زووم.. وكتير قربت لناس واتصدمت، وشفت فى حياتى كتير ومبقتش بعمل حساب لح،د ولو حد عاملنى وحش ببعد عنه.. مبدئى فى حياتى أكون على طبيعتى وعاوزة الناس تقبلنى زى منا». واستطردت: «السوشيال ميديا لما زادت بقينا طول الوقت محطوطين تحت ضغط، وأنا بقيت مش عاوزة أشوف حاجة حلوة أو وحشة، والواحد من كتر ما شاف فى حياته مبقاش عندى دماغ لكل ده». وكشف غادة عادل عن مخاوفها قائلة: «زمان كنت بخاف من إنى بكبر، بس دلوقتى لا، بعيش المرحلة، وبستمتع بكل مرحلة فى حياتى، وكل وقت وله حلاوته». جدير بالذكر أن الفنانة غادة عادل تشارك فى السباق الرمضانى الحالى بمسلسل «لانش بوكس»، الذى تدور أحداثه فى إطار كوميدى حول شقيقتين وصديقتهما يتورطن فى عملية سرقة ويشعرن بعدها بأن الدنيا أصبحت أفضل، ولكن مع الوقت يقحمن أنفسهن فى ارتكاب أكثر من جريمة، فيتحولن إلى عصابة، وتحدث معهن الكثير من المواقف الكوميدية الطريفة. ويشارك بالمسلسل بجانب غادة عادل، جميلة عوض، فدوى عابد، أحمد وفيق، هشام إسماعيل، صدقى صخر، عمرو رمزى، ونخبة كبيرة من ألمع النجوم.