أعرب النجم حمادة هلال، عن سعادته بالنجاح الجماهيرى الكبير لحلقات الجزء الرابع من مسلسل «المداح - أسطورة العودة» الذى يخوض به السباق الرمضانى الحالى. وقال حمادة هلال فى تصريحات صحفية، إن النجاح الحالى هو أكبر رد على كل من شكّك فى نجاح الجزء الرابع قبل بدايته، موضحاً: «لما الناس قالت بنحت نفسى ومافيش فكرة جديدة هتحصل كنت متأثر شوية، وأنا كنت بقول لنفسى إنت ناوى على إيه بس لما بتتعب وتشتغل انت وكل فريق العمل ربنا كانت مكافأته كبيرة، والحمدلله المسلسل نجح ويارب تكمل على خير، ومبسوط ان معايا فتحى عبد الوهاب، عِشرة عمرى، ودياب، وبشكرهم لأنهم أضافوا للمسلسل». وتحدث هلال، عن كواليس دخول ابنه «يوسف» عالم التمثيل من خلال الجزء الرابع لمسلسل «المداح» معلقاً: «يوشف أصر يكون موجود، وقلت للمخرج أحمد سمير فرج لو ابنى نفسه معجبنيش أداؤه أنا أول واحد هقولك نمشيه، لكن أحمد سمير فرج هو اللى اختاره، والحمدلله ربنا يحفظه نجح فى الدور». مسلسل «المداح - أسطورة العودة» بطولة حمادة هلال، فتحى عبدالوهاب، هبة مجدى، دنيا عبدالعزيز، خالد سرحان، محمد عز، حنان سليمان، تامر شلتوت، صبحى خليل، سهر الصايغ، مى سليم، دياب، حمزة العيلى، والمسلسل من تأليف أمين جمال، وليد أبو المجد، شريف يسرى، وإخراج أحمد سمير فرج.