فى أحد اللقاءات التليفزيونية، سُئل الفنان نور الشريف عن رأيه فى الفنانة غادة عبد الرازق، خاصة أنهما قدما معاً مسلسل «عائلة الحاج متولى»، فكانت هذه المقتطفات من الحوار: * شو رأيك فى غادة عبدالرازق؟ - أحترم ذكاءها واجتهادها جداً، بحس إنها إيديها وهى حطاها على وشها درساها، مفكرة تحطها إزاى، والانفعالات.. إمتى الحالة العصبية تجيلها فى عينيها. بعد «الحاج متولى» شركات الإنتاج فضّلتها فى الأدوار الشعبية، لكن هى بذكاءها ووعيها.. أنا رأيى إنها واعية جداً.. اكتشفت إنها لو استمرت تقدم الأدوار الشعبية عمرها هيبقى قصير، وده مش شهادة ليها لأنها ممثلة متميزة. فالسنة اللى فاتت والسنة دى راحت عملت العكس خالص شخصية محامية فى «مع سبق الإصرار» المرة الماضية وهنا شخصية مريضة نفسية «حكاية حياة» وقد كده عجبتني أرجو إن غادة متفتكرش إن شهادتى فيها مجـروحة، لأن شهادتها فيا مُبالغ فيها، يعنى دائماً بتمدحنى بشكل مبالغ فيه، بس والله والله والله أنا مش بجاملك، أنا بقول الحقيقة.