روت الفنانة مى سليم موقفاً غريباً تعرضت له فى كواليس مسلسل «المداح - أسطورة العودة» جعلها تشعر بالخوف والقلق. وحكت مى سليم عن كواليس مسلسل «المداح - أسطورة العودة»، عبر تصريحات إذاعية لها قائلة: «أول ما روحت تصوير (المداح) قولتلهم أنا بسمع إن عندكم عفاريت وبجد بيحصلكم حاجة؟، قالولى متخافيش دى حاجات بسيطة، بعدها كنت بصور مشهد مع فتحى عبد الوهاب، والولد اللى بيشتغل معايا ماسك الحاجات بتاعتى، والجاكيت ولع». وتابعت مى سليم: «الأوضة اللى كنا فيها كان فيها شمع سألت الولد إنت جيت ناحية الشمع، قال لى والله أنا واخد الجاكيت فى حضنى مجتش ناحيتها، خرجت لأستاذ أحمد سمير فرج سألته إيه دا أنا لسه تانى يوم تصوير». واستطردت حديثها قائلة: «الولد اللي كان بيعملي شعري السيشوار فرقع، كل مرة أروح للوكيشن بقرأ كل الآيات القرآنية اللي حفظاها وبشغل قرآن في الكرفان». مسلسل «المداح - أسطورة العودة» بطولة حمادة هلال، فتحى عبدالوهاب، هبة مجدى، دنيا عبدالعزيز، خالد سرحان، محمد عز، حنان سليمان، تامر شلتوت، صبحى خليل، سهر الصايغ، مى سليم، دياب، حمزة العيلى، والمسلسل من تأليف أمين جمال، وليد أبو المجد، شريف يسرى، وإخراج أحمد سمير فرج.