تحدث الفنان فتحي عبد الوهاب، عن عدة مواقف جمعته مع بعض نجوم الوسط الفني، خلال لقاء تلفزيوني، منهم الفنانة عبلة كامل والفنانة ياسمين عبد العزيز. وقال فتحي عبد الوهاب: أول مرة أتعاون مع عبلة كامل في عمل كان بالصدفة، خلال مسلسل "ريا وسكينة"، مضيفًا: أنه تفاجأ بموهبتها الجبارة وتحولها في مشهد استجوابها ، الأمر الذي جعله يشعر بالخوف الشديد من الوقوف أمامها لأول مرة في مشهد. وتابع: شاركت في "ريا وسكينة" بدلًا من الفنان الراحل خالد صالح لأنه كان بيجري عملية وأنا كنت أصور مسلسل آخر، ووقفت تصوير يوم، وذهبت لأصور بدلا منه. وأستكمل: "عبلة كامل بتتحول في الشوت، وكانت أول مرة في حياتي أخاف، وخوف حقيقي وأنا قدام الكاميرا ومكنتش فاهم هو ده تمثيل ولا هي دخلت في نوبة ولا إيه النظام، وكان في مشهد التحقيق بعد ما بنتها اعترفت، وحصلت حاجة مرعبة وهي موهبتها جبارة بجد، ولولا إن ثباتي الانفعالي لا بأس به، كان الشوت يبوظ لأني شفت حاجة ما تخيلتش تحصل". بينما وصف الفنانة ياسمين عبد العزيز بأنها طفلة، قائلا:" هي أكتر طفلة موجودة في الوسط الفني، وكملت لحد دلوقتي زي ما هي طفلة، يعني إنت بتتعامل مع طفلة فعلا بكل معنى الطفولة اللي ممكن تتخيله، شخص جميل ولما يكون في دايرة من دواير حياتك بتحس إنك كسبان كتير، وممكن ما نتقابلش سنة أو اتنين ولما نشوف بعض كأننا كنا مع بعض امبارح ".