الفنانة حنان مطاوع تزوجت من أمير اليماني ، وهو ممثل و مخرج مصري يعمل في الإخراج المسرحى و شارك بالتمثيل فى بعض الأعمال التليفزيونية هي جبل الحلال، باب الخلق، وبيت العيلة و عمل مساعد مخرج فى مسلسلي جبل الحلال، وبيت العيلة. و توجت قصة حب الثنائي حنان وامير بالزواج عام 2016م في حفل زفاف كبير ضم العديد من نجوم الفن وأنجبت طفلتها عام 2019م والتي أسمتها «أماليا» وهو أسم مصري فرعوني قديم يُعني الأميرة الصغيرة ابنة الملك. وقالت حنان مطاوع عن زوجها: "لما صارحني بمشاعره قولتله أنا مابفكرش في الارتباط، أصل لما تقعدي فترة مستقلة واتعودتي على كده وكبرتي بيبقى صعب أوي الاختيار وصعب إنه يتضحك عليكي بكلمتين، بس لقيت في أمير حاجات رائعة جدا ..حنون ومريح، مصدقاه كده، مش داخل عشان يشكّلني وقابلني زي ما أنا ودي حاجه مش دايما تلاقيها" ، وفيه لغة مشتركة بيني وبينه، لأن بيبقى صعب تبقي مع حد كل اهتماماتك هو بعيد عنها، طبعا فيه اختلافات بس فيه نقاط تلاقي كتير، هو اتسرسب جوايا بالحنية” واضافت حنان : "أنا فتى أحلامي في الجامعة كان" كيفين كوستنر"، لكن أمير جوزي هو أهم من فتى أحلامي، وفيه مواصفات أحسن بكتير من فتى أحلامي... اختيار ربنا أحلى بكتير من اختياراتنا". اما أمير فوصفها بأنها " شخصية مختلفة على كل المستويات، الثقافية، الدينية، الإنسانية، حتى موهبتها،و قال : أنا كنت متابعها من أيام فيلم الغابة وواثق إنها هتكون ممثلة صف أول بجدارة” وعن ابنتهما "اماليا" قالت حنان مطاوع في تصريحات تلفزيونية: «إحساس مدهش كنت متخيلة إني جبت آخر الحب، حبيت أمي أوي وجوزي وصحابي وشغلي بس لما خلفت، كان إحساس ميتوصفش حسيت كل حاجة فيا نورت، قلبي نور ودنيتي نورت، حياتي كلها تفاصيلها اختلفت».