حلت الفنانة مي القاضي ضيفة على برنامج" الستات" والذي يقدمه كلًا من الإعلامية مفيدة شيحة وسهير جودة، وتحدثت مي عن تفاصيل أدوارها في شهر رمضان الماضي من خلال مسلسلي " صيد العقارب ورحيل " . وقالت مي القاضي عن تفاصيل دورها في مسلسل "رحيل": "في ستات كتير بتخون بس في رحيل أنا مكنتش خاينة، في رحيل قدمت شخصية واحدة اتظلمت جامد فقررت تاخد حقها ، قررت انها مش هتبقى ضعيفة وهتاخد حقها غصب عن أي حد". وعن توقيت اختيارها للأدوار، قالت: "صيد العقارب" كان الأول وبعده تعاقدت على "رحيل"، لافتة" أن العملين كانوا مختلفين جدًا عن بعض، مستطردة: بحب جدًا صيد العقارب وليه حتة في قلبي لوحده وبحب كواليسه". وتابعت:" رحيل بحب الدور لإنه كان دور في دراما تقيلة، كانت بنت شعبية وده بعيد عني شوية فبيبقى تحدي أكتر وده بيخرج من الممثل أحلى ما عنده ". وكشفت القاضي عن سبب حبها لكواليس مسلسل "صيد العقارب"، قائلة:" الأجواء كانت حلوة وهي حاجة مالهاش أسباب، كانت أحلى كواليس، مضيفة: "غادة عبد الرازق ممثلة قوية جدًا، وبيبقى فيه ممثلات أقوياء بس بيبقى اهتماماتهم باللبس وبالفاشون مش قد غادة عبد الرازق فأنا بحب التركيبة بتاعتها هي فيها كل حاجة".