في أحد اللقاءات التلفزيونية للفنان محمد عبد الوهاب" رحمة الله عليه" مع الإعلامي مفيد فوزي و الذي استغرب فرق الوقت بين الوقت في ساعة يده وساعة عبدالوهاب فقال مفيد : -استاذ عبدالوهاب انا ملاحظ ان ساعتك مش مظبوطة ، تحب تظبطها ؟ فأجاب عبد الوهاب : "لا ده انا أحب انك انت اللي تظبط ساعتك على ساعتي -ليه ؟! =لأن انا مقدمها نص ساعة -ايه الحكمة في كده ؟! =الحكمة اني احترم مواعيدي، لأن مافيش حاجة بتتعبني قد المواعيد غير المنضبطة ، وبالذات لما حد يقولي هفوت عليك قبل الضهر ، يعني ايه قبل الضهر ؟! قبل الضهر يعني من الفجر لغاية الساعة 12، يعني افضل مستنيه 8 ساعات ؟! .. او مثلا يقولي هفوت عليك قبل العصر ، طب يعني ايه قبل العصر ؟! من الضهر للعصر 3 ساعات ونص ، استناه 3 ساعات ونص ؟! او يقولي هفوت عليك بعد العِشا ، يعني من بعد العِشا لحد نص الليل افضل انا مستني كل ده ؟! مفهمش انا الكلام ده ، افهم انك تقولي مثلا هجيلك الساعة أربعة او الساعة خمسة وتلتزم بالميعاد وعشان التزم انا كمان بمواعيدي مقدم ساعتي نص ساعة عشان لو عندي ميعاد أوصل قبله و ليس بعده لأي سبب .