نشاط فنى كبير يشهده الفنان كريم فهمى خلال الفترة المقبلة، سواء فى السينما أو التليفزيون. وكشف كريم فهمى عن جديده خلال الفترة المقبلة وقال، عبر تصريحات تليفزيونية له، «فى حاجات معروضة بقرأها هى مشاريع تحت الإنشاء، فى مشروع سينمائى اسمه دماغ ألماظ أنا كتبته من سنتين بنحضره وبنشوف اختيار الأبطال لأنه بطولة جماعية كان البطل اللى قدامى أحمد فهمى، لكن بسبب اختلاف مواعيدنا هنشوف بطل تانى هيبقى نجم كبير». وتابع كريم فهمى: «فى فيلم أكشن كوميدى أنا خلصت كتابته بدأنا نحضره». وعن الدراما التليفزيونية أوضح كريم فهمى، أنه سيعود لتصوير مسلسل «220 يوم» بعد توقف وعدم مشاركته فى الموسم الرمضانى 2024، وقال عن هذا الأمر: «كل حاجة ربنا بيبقى كاتب الخير فيها، أزمة منتصف العمر أصلاً كان لرمضان لكن اتأجل وربنا كتبله ينزل فى وقت محدد عشان ينجح النجاح اللى حصل، ميعاد النزول بتاع ربنا والمنتج، أنا اللى عليا بعمل الشغل بتاعى كويس سواء كتابة أو تمثيل».