علقت الفنانة مي كساب، على جدل تصريحاتها حول موقفها من ترتيب اسمها على تتر مسلسل "العتاولة" الذي حقق نجاحا كبيرا أثناء عرضه في شهر رمضان الماضي. وقالت مي كساب في تصريحات صحفية: "لما اتسألت على التتر، قلت شكل وضع اسمي مش ده اللى أنا اتفقت عليه، وكنت متفقة على طريقة معينة، بس ده محصلش". وتابعت:" عديت الموضوع لأنى مابحبش أعمل مشكلة ، خاصة والمسلسل شغال، والنجاح حاصل والناس أصلا كجمهور مش مركزين مع التتر، والناس أصلا بتبقى في الآخر وجهه نظرهم مين بيمثل أحسن ومين دوره أثر فينا أكتر، وده بيبقى في حسابات الجمهور ،غير حساباتنا إحنا أكتر كفنانين وده اللى قلته". وأكدت مي إن الجمهور دائما يثني عليها ويقول لها كلمات إيجابية تهون عليها غلطة التتر وهذا ماقصدته بالظبط. مسلسل "العتاولة" بطولة كل من: أحمد السقا، طارق لطفي، زينة، باسم سمرة، مي كساب، فريدة سيف النصر، أحمد كشك، مصطفى أبوسريع، هدى الإتربي، وآخرون، والعمل من تأليف هشام هلال، وإخراج أحمد خالد موسى.