تحدث النجم محمد هنيدي، عن علاقة الصداقة القوية التي جمعته بالنجم الراحل خالد صالح، وذلك من خلال تصريحات تليفزيونية له. وقال محمد هنيدي: "عرفنا بعض في الجامعة وعرفته قبل علاء ولي الدين جيل الجامعة والشلة وكان في علاقة في بيوتنا وأهلينا وربنا قدرني بحاجة لذيذة إني قعدت مع خالد صالح يوم كامل قبل وفاته". وأضاف: "الموضوع مكنش مرتب، روحت عشان أشوفه أنا والفنان طارق عبدالعزيز الله يرحمه قالوا ممنوع، دكتور مجدي يعقوب قاله يا خالد أنا عايزك تروح الاوتيل، هو اليوم ده اللي أنا روحته، قعدنا طول النهار إحنا الثلاثة جبنا من الجامعة واتصورنا وأنا طبعا خفيت الصور، بس عشت معاه كتير اليوم ده، دي كانت حاجة جميلة جدًا من رب العالمين".  وتابع: "فقد الأحباب مؤلم أو ي يا أخي وقضاء الله أحلى واحنا ده مرجعنا واحنا اللاحقون، لما بتفتكر بتبقى مبسوط، مش زعل لأنه فقدناهم تحس أنهم موجودين". وفي سياق آخر، ينتظر محمد هنيدي عرض فيلم "الجواهرجي"، والذى يعود فيه للتعاون مع النجمة منى زكي. وتدور أحداث الفيلم في إطار كوميدي، حول تاجر مجوهرات يقع في العديد من المتاعب والمواقف المحرجة بسبب زوجته؛ ثم يدخل مستشفى الأمراض النفسية والعصبية.