«طبَّقت كبوت العربية براسى».. ياسمين رئيس تكشف كواليس خناقتها فى «الفستان الأبيض»

كشفت الفنانة ياسمين رئيس عن تعرضها لإصابة خلال تصوير فيلم «الفستان الأبيض». وأضافت ياسمين فى تصريحات تليفزيونية: أصعب مشهد فى فيلم «الفستان الأبيض» لما كنا بنصور الخناقة فى الآخر خالص، المشهد دا كان المفروض أسماء جلال بتدخل جوا الخناقة عشان تشد إنجى أبو السعود، وأنا أدخل أشد أسماء، وأنا بدخل الخناقة المفروض شنطتى وقعت وولد شد الشنطة. وتابعت ياسمين رئيس: «اللى حصل إنى كنت لابسه تنورة طويلة وبجرى معرفش طرنا فى الهواء إزاى وأسماء جلال كانت بتحاول تسندنى، وكان فى عربية راكنة هى خبطت فى العربية بركبتها، ووقعت أنا على راسى طبقت كبوت العربية، وجالى شبه ارتجاج فى المخ، وهى ركبتها ازرقت وكانت تعبانة، قعَّدنا أسماء جلال رفعت رجليها وحطت تلج، وأنا كشفوا عليا يشوفوا أنا عندى ارتجاج ولا اتعميت، ولا فقدت الذاكرة».