كشفت الفنانة منة فضالى، عن تفاصيل إصابة والدتها بمرض السرطان، من خلال منشور عبر حسابها الرسمى على موقع التواصل الاجتماعى «فيسبوك». وكتبت منة فضالى: «سنة كان فيها الحلو والوحش برضو، بس دايماً بقول الحمدلله على كل حاجة تيجى، بس دايماً لازم يكون عندنا أمل فى الحياة، مهما كان اللى بنمر بى دايماً نقول يا رب وربنا كبير، ممكن ظروفنا مش شبه بعض وحياة كل شخص غير التانى بس فى الآخر كلنا واحد وإحنا اللى بنغير وبنختار حياتنا اللى إحنا عاوزينها». وتابعت: «اللى عايزة أقوله من كل ده إن مفيش حاجة هتتغير غيرنا، إحنا بنموت وبيتولد غيرنا فى مجتمع وتفكير تانى غيرنا، نحاول نحمد ربنا على أى حاجة ربنا مديهالنا أنا بالنسبالى كانت سنة فيها شغل آه، وسفر وحاجات كتير، بس كان فيها أوحش حاجة، إن أمى جالها سرطان، وعشت فترة صعبة برغم إنها كانت فى المستشفى، كنت بصور فى نفس الوقت لو مكنتش بنام يعنى فى الآخر الحمدلله على كل شيء». واختتمت حديثها قائلة: «كل سنة وإنتم طيبين وسنة سعيدة عليكم يارب، وعلى كل أحبابكم وكل اللى نفسه فى حاجة تتحقق يا رب. شكراً لكل حد وقف جنبى أو ساعدنى من بعيد أو قريب، شكراً لكل الناس اللى اشتغلت معاهم ويا رب دايماً أكون عند حسن ظنكم فى شغلى، شكراً لجمهورى والفانز والإعلاميين وكل الناس اللى بتشجعنى دائماً».