كشفت الفنانة مى الغيطى عن تعرضها لحادث كبير قبل أشهر، وهو ما تسبب فى اختفائها لفترة طويلة، وحكت مى الغيطى ما حدث لها خلال رحلتها فى تايلاند. ونشرت مى الغيطى عبر حسابها على «إنستجرام» فيديو، وكتبت تعليقاً عليه: «فى ناس كثيرة بتسألنى أنا كنت مختفية ليه، من 7 شهور كانت فى حادثة حصلت فى تايلاند، اتخبطت بعربية نقل فى العربية اللى كنت فيها، واتصبت إصابات بالغة. حصلى كسر فى حوضى، وإصابة فى العمود الفقرى، وكان عندى إصابات داخلية ونزيف داخلى وتلف فى الأعصاب فى رجلي، قعدت فى المستشفى أسابيع فى تايلاند ورجعت مصر علشان أكون مع أهلى وأتعالج وسط دعمهم». تابعت مى الغيطي: «مكنتش حابة أشارك اللى حصل وقتها، كنت محتاجة وقت أتعافى بعيد عن أى ضغط، بعد علاج طبيعى فترة وكل شوية نكتشف حاجة جديدة أنا دلوقتى أحسن بكتير جداً الحمدلله». أكملت مى الغيطي: «حاسة إنى كنت عايزة أشارك ده دلوقتى عشان أقول إن الجسم عنده قدرة رهيبة على الشفاء.. أقوى بكتير مما نتخيل، وإن التعافى بياخد وقت، بس بييجي، لو إنت بتمر بوقت صعب، أرجوك كون صبور مع نفسك عشان عدم فقدانك إيمانك إنك هتكون أحسن بجد بيفرق فى قدرتنا على تحمل الصعاب».