قالت الفنانة سوسن بدر خلال لقائها ببرنامج “كلام نواعم” : اهم مواصفات شريك الحياة الثقة والتفاهم والراحة ده أهم حاجة ويكون شخص عارفة تتكلمي وتضحكي معاه ودي حاجة مهمة جدًا، أنا مقدرش أتخيل حياتي مع شخص مش عارفين نضحك، لو مش فاهم النكتة ولو مش فاهمين الضحك مع بعض هنفهم الجد إزاي؟ يبقى فيه حاجات من اللي بحب أعملها، أنا بحب أقعد ساكتة ساعات فميزهقش مني أقعد أنت كمان ساكت، بالنسبة ليا بحب أقعد أمسك كتاب فشوف أنت بتحب إيه". وتابعت: “الجواز في حد ذاته ماوحشنيش لكن ساعات بيوحشني الصحبة أن تسافري مع حد وتاكلي أكله حلوة مع حد أن حد يكلمك بالليل يقولك إزيك يبقى في حد بتخلصي بسرعة شغلك عشان عارفة أنه مستنيكي في البيت مش هيتعشى غير لما تروحي، أنا مش شايفة إني رومانسية لو كنت رومانسية كنت فلحت".