أكدت النجمة غادة عبدالرازق، أنها بالرغم من نجوميتها الكبيرة إلا أنها ما زالت ترتبك في بداية التصوير بجانب حرصها على أخذ رأي المحيطين بها في أدائها. وقالت غادة عبد الرازق في تصريحات صحفية، إن كل عمل تدخله، لم تكن تعلم إنه سينجح أو لأ، مستطردة: " في المهنة بتاعتنا بندخل العمل الله أعلم هينجح ولا لأ، بنعمل كل الإمكانيات وفيه أعمال مافيهاش غلطة وربنا مش كاتب لها النجاح". وتابعت، "إحنا بكل نجوميتنا بندخل العمل بنبقى خايفين وموهبتنا لازم نلمعها، ساعات بنقعد موسم كامل مش شغالين وبنبقى مش ممرنين صوتنا ولا أدائنا، وبدخل أول يوم تصوير ببقى كأن في امتحان وبقعد أقول يا رب أكرمني وأدينا على قعد جهدنا وتعبنا واللي عايزين نوصله للناس". يذكر أن الفنانة غادة عبد الرازق شاركت في الموسم الرمضاني 2025، من خلال مسلسلها "شباب امرأة" وشاركها البطولة يوسف عمر، محمد محمود، محمود حافظ، عمرو وهبة، جوري بكر، دالية شوقي، والفنانة المغربية لينا صوفيا بن حمّان، حسن أبو الروس، رانية منصور، يوسف عثمان، طارق النهري، ومن إخراج أحمد حسن، وتأليف أمين يوسف غراب ورواية محمد سليمان عبد الملك.