أبدى النجم أحمد زاهر، دعمه لابنته ليلى أحمد زاهر بمسلسلها الجديد "ما تراه ليس كما يبدو"، حيث نشر البوستر الدعائي للعمل عبر حسابه على موقع تبادل الصور والفيديوهات "إنستجرام" وكتب معلقًا: "مبروك يا روح قلبي، إن شاء الله تكسري الدنيا، أحلى هند". وكشفت ليلى أحمد زاهر تفاصيل شخصيتها في حكاية "هند"، مشيرة إلى أنها تجسد قصة واقعية عن معاناة بطلة العمل، معلقة عبر حسابها على "إنستجرام" وهي تنشر صورة مع المؤلفة هند عبد الله: "البطلة اللي أنا متصورة معاها دي مش بس مؤلفة مسلسلي الجديد، دي هند البطلة اللي أنا بعمل شخصيتها وبنحكي حكايتها الصعبة جدًا والمؤلمة جدًا". وأضافت: "هند مرت بتجربة مش سهل أي حد يخرج منها بخير، لكنها قدرت تتجاوزها وتركز في اللي بتحبه، وحولت معاناتها لقصة مسلسل أنا محظوظة إني أقدمه علشان يكون رسالة نساعد بيها بنات تانية". واستكملت: "أنا أسفة إنك مريتي بالوجع ده، وفخورة جدًا إنك عديتيه، ويا رب حياتك تبقى كلها فرح وسعادة ونجاحات زي ما تستحقي، متحمسة قوي تشوفوا قصة هند ويا رب تعجبكم". ويشارك في بطولة الحكاية إلى جانب ليلى أحمد زاهر كل من حازم إيهاب، هاجر الشرنوبي، مؤمن نور، ياسمين رحمي، والقديرة حنان سليمان، ومن إخراج خالد سعيد وتأليف هند عبد الله.