كشفت الفنانة ريهام عبد الغفور فى تصريحات تليفزيونية، أنها لم تخضع لأى عمليات تجميل. وتحدثت ريهام عن الضغوط التى تعرضت لها بسبب التعليقات السلبية والتنمر على شكلها وظهور بعض التجاعيد، قائلة: هبقى بكذب لو قلت إن الكلام دا مبيأثرش، هو فعلاً بيدايق. أنا مش مركزة فى الشكل، لكن لما الناس فضلت تكتب وتعلق ابتديت أبص فى المرايا وأركز أكتر وأقول: إمتى حصل دة؟. وأضافت: أنا معملتش تجميل، مش لأنى ضده، بالعكس كل واحد حر يعمل اللى يريحه، لكن الحقيقة إنى جبانة جداً حتى من الكانيولا فى المستشفى، جربت البوتوكس مرتين أو تلاتة، وكل مرة بعمله بتوتر جداً وأقعد قدام المرايا أحاول أحرك وشى وأخاف معرفش أمثل.