كشف الفنان أمير كرارة تفاصيل مسلسله الجديد الذى انشغل فى تصويره خلال الفترة الماضية. وأضاف كرارة عبر تصريحات تليفزيونية له: "بصور مسلسل 10 حلقات بس إحنا رايحين لحتة أكتر فيها رعب ، برضو معندناش حاجة اتعملت زى دى غير حاجتين مثلاً الفترة اللى فاتت، رايحين فى سكة مختلفة غير اللى كنت شغال فيها فى الأول، وغير الكوميديا زى «البعبع» و«الشاطر» دا حاجة مختلفة، فيها شوية رعب وإثارة وقصة «النداهة» حاجة أسطورية طول عمرنا كنا بنسمع عنها، المرة دى هنشوفها بشكل مختلف خالص، مفيش أكشن فى المسلسل، كله وهي تجربة مختلفة بالنسبة ليا، وحاسس أنها هتعجب الناس، حاجة تنزل فى الشتاء تحب تتفرج عليها، حاجة مختلفة عن كل مرة". وتابع أمير كرارة: " المخرج بكير محمد بكير قال لى إنه مبسوط وهو بيتفرج على المونتاج، وبيتحايل عليا أروح أتفرج بس لسه مش عايز أتفرج، بيقولى إنى طالع بشكل مختلف، وملامحى غير، والتمثيل مختلف، المسلسل كان فيه مساحة حلوة أنى أقدم تمثيل ومشاعر" . وعن موسم رمضان، أوضح أمير كرارة أنه سيشارك به قائلاً: "عندى مسلسل إن شاء الله فى رمضان اللى جاي، بس لو حسيت أن المسلسل مش قوى أو ميلقش بالمشاهد أنا مش هشتغل، قررت مش هعمل حاجة غير لما يكون المسلسل كويس والناس تنبسط بيها".