حكى الفنان هشام جمال عن موقف صعب تعرض له وزوجته ليلى أحمد زاهر فى ثالث أيام شهر العسل، مشيراً إلى أنه سيحكى لأول مرة ما حدث معهما وأنه لم يخبر عائلته وأصدقائه بأى شيء. وأضاف جمال عبر تصريحات تليفزيونية له:" اللى هنقوله دا أنا مش بهزر، وأقسم بالله مفيش بنى آدم يعرفه من أهلنا ولا أصحابنا إحنا اتفقنا أننا هنقول، بس هما ميزعلوش عشان مكناش عايزين نخضهم وإحنا اتصرفنا، حصل حاجة دمها تقيل شوية.. فى يوم كنا نازلين وأكلنا من مكان لقيناه قدام الأوتيل وكان حلو جداً وإحنا كنا بناكل فى شهر العسل كتير جداً، المهم أكلنا منه مرة تانية أنا أكلت 3/4 الساندويتش وليلى ربع، وبعدين طلعنا الأوتيل كانت الساعة 1 بالليل، شوية ولقيت ليلى فى حالة خمول ونامت وأنا شوية وبطنى بدأت توجعنى والوجع بيزيد وبقى غير محتمل، سكاكين ومش عارف إيه اللى حاصل حاجة مش طبيعية. وأكمل هشام جمال: نزلنا روحنا المستشفى فى أمريكا، حيث قالوا إن دا حاجة فى الأكل وأدونى دواء وبعدين بدأت هى تتعب ومكنتش عايزة تبين أنها تعبانة وأخدت نفس الأدوية، وقعدنا شوية والحمد لله هى كانت أكلت أقل فتعبت أقل شوية".