حل نجما مسلسل "ورد على فل وياسمين"، صبا مبارك وأحمد عبدالوهاب ضيفان على الإعلامي عمرو أديب في برنامجه، وتحدثا عن تفاصيل العمل الذي حقق نجاحا ضخما فاق كل توقعات صناعه مسلسل" ياورد على فل وياسمين%. أشاد أحمد عبدالوهاب بسيناريو المسلسل، معتبرا أن "الدور مكتوب حلو في الورق، وأضاف:" عشان مديني قماشة حلوة ساعدني أشتغل على الشخصية وأطلع منها حاجات كويسة". وأوضح أن أحد عوامل موافقته على الدور عمله مع صبا مبارك، قائلا:" قالولي إنه مع صبا، وهي عندي في حتة لوحدها، وكنت بتكلم مع ممثل زميل في العمل وبقوله كان نفسي أشتغل معاك من زمان، فهي قالتلي وأنا؟ فأجاب: لا انتي كراش". وتابع عبدالوهاب مثنيا على زميلته في المسلسل:" صبا مبارك نجمة كبيرة، وطلعت أفضل ما عندي، ولو الناس بتقول إن بينا كيميا كويسة فهي سبب كبير فيها، وهي طمنتني واستقبلتني كويس وقعدنا واشتغلنا مع بعض، ومحسستنيش بفرق إنها نجمة". وردت صبا مبارك على كلام زميلها، مؤكدة:" أحمد من أول ثانية وحضوره مش عادي، وكان ماشي معايا على الخط ومحستش بفرق، أصلا مافيش فرق لأن النجومية دي شغلانة تانية مالهاش علاقة بالتمثيل". وأشارت إلى الكيميا التي جمعتهما في العمل، مضيفة: "أحمد مش بس موهوب، لأ كمان بيمثل من نفس الحتة اللي أنا فيها، مافيش مبالغة ولا محاولات لإظهار القدرات، كان سهل وده شيء مريح جدا".