كشفت الفنانة صبا مبارك أنها غير راضية عن نهاية مسلسلها "ورد على فل وياسمين" الذي انتهى بموت "إلهام" الشخصية التي قدمتها. وقالت مبارك عبر تصريحات تليفزيونية لها: «أنا شخصيا الموضوع بالنسبة لي أخدته بشكل شخصي وعاطفي حرام ليه تموت خليها عايشة خليهم ينتصروا أو خلوها نهاية مفتوحة، لكن في النهاية في قرارات فنية وإبداعية تخص الكاتب والمخرج». وأضافت: «مش راضية عن النهاية مش عايزاها تموت وعايزة قصة الحب تنتصر وعايزة يفضل في أمل، متفاجئتش من النهاية لأني في المشروع دا من كتير وعارفة تفاصيله وعملت كل حاجة كنت زي الأطفال بترجاهم عشان النهاية بس في الآخر فاهمة وجهة النظر وأنا من المدرسة اللي بتحترم سلطة المخرج وتفكير الكاتب، النهاية مش شيء بيظهر فجأة ونقدر نغيره هو شيء مفكر فيه بشكل كامل».