ثارت حالة من الجدل والسخرية على موقع "فيس بوك" حول تصريحات رجل الأعمال نجيب ساويرس، والتى كشف فيها عن ثمن وجبة العشاء التى يتناولها، معللا ذلك بارتفاع الأسعار.

وقال نجيب ساويرس مع مراسلة برنامج «صباحك مصري» المذاع عبر فضائية «mbc مصر 2»: «مش بصرف كتير في اليوم، لأني بتغدى عند والدتي وبفطر عند والدتي، ولو خرجت في العشا بدفع 3000 أو 4000 جنيه، دلوقتي الأرقام ضربت خالص، كنا زمان بنخرج في الخروجة بـ100 جنيه و50 جنيه و30 جنيه، دلوقتي الأصفار كترت».

علق رواد مواقع التواصل الاجتماعي " فيس بوك " قالا :- " يا جماعة الراجل معاه مليارات هيتعشى ب ٣ جنيه مثلا كل واحد بيعيش على اد مستواه وربك بالقليل اللى معاك لو بصيت حواليك هتلاقى نفسك اغنى من كتير معاهم ملايين صحتك انت اولادك وسترك وايمانك بالله وقناعتك بما اعطاك الله وسعيك للافضل فى الحياة فى كفة وكل ملياراتهم فى كفة تانية وكفتك الارجح".

 وعلق أخر :راجل غني هيتعشى بكام ؟ عادي يا جماعة ربنا يبارك له ربنا خلق لكل واحد رزق و مش لازم نبص لرزق بعض"، " كل حاجه عندكم كتير ياجدع حتى امك لسه عايشه سبحان الله،" بالف هنا والله " أنا اتغديت النهاردة بسبعة جني ونص واتعشيت باتنين ونص بنتعشي احنا كمان يعني متفكرش انت لوحدك.اللي بتتعشي حتي احنا بنعتمد ع نفسنا انما انت بتفطر عند الحاجة الله يخليلك اياها ،" انتو مستغربين ليه يا جماعه انا شايفه الرقم دا قليل جدا اصلا ع مستواه المادي"، " بيتعشي بمعاش ابويا"، امال عاوزين يقول كام يا جماعه دة مبلغ بسيط فعلا بالنسباله".