كتب: أحمد قنديل

أبدى الإعلامي أسامة كمال، استياءه من أوضاع الحركة المرورية فى مصر، مشددا على ضرورة وجود رجال المرور على مدار اليوم لتسيير الأوضاع.

وقال كمال، خلال حلقته فى برنامج "مساء DMC"، عبر فضائية "DMC"، اليوم: "من 9 شهور قلت إن المرور بياخد إجازة يوم الجمعة، وفيه كارثة بتحصل عند وزارة الداخلية، ووزارة الداخلية زعلت منى ساعتها، علشان قلت إن العربيات بتركن عند الأزهر بارك، ودلوقتي الأتوبيسات بقت تركن".

وأضاف: "المرور بقى دلوقتي كمان بياخد إجازة نص السنة، في الوقت اللي فيه الناس بتيجي من الأقاليم يتفسحوا في الأزهر بارك، والشارع ده حيوي جدًا واسمه صلاح سالم، وبيربط مصر من أولها لآخرها، والأتوبيسات اللي جاية من المحافظات راكنة صف أول وثاني وثالث، في شارع هو كل اللي فيه أول وثاني وثالث".

وتابع كمال: "الوزارة قررت تسيبهم، ومفيش حد موجود ينظم الدنيا، وخلي العيال تفرح، ويلا هيه، ولا ناس عندها مصالح، ولا ناس مريضة، ولا احترام لأى شئ".