تصدر الفنان محمد نجاتي محرك البحث "جوجل"، بعد تعليقه الأول عن الأنباء التي انتشرت مؤخرًا، عن علاقته بانفصال الفنانة الشابة منه عرفة وزوجها محمود المهدي.

وقال محمد نجاتي، خلال مداخلته الهاتفية مع الإعلامي عمرو أديب، في برنامج "الحكاية": "أنا تم الزج باسمي في الحكاية، وأولادي بيسألوني عن الحكاية، فالموضوع كان شائك عندي في البيت، ولقيت اسمي جوة حكاية طلاق، ومكنتش متوقع إن الموضوع يوصل للمرحلة دي".

وتابع نجاتي: "أنا بعمل مسلسل اسمه فيلا 101، وبيشاركني فيه نجوم ومنه عرفة طالعة أختي، وأنا دكتور أمراض نسا، وهي أغمى عليها ومعايا بنتين في المشهد، وكان من الطبيعي إن أنا أشيلها لأني أخوها، ولقيتها بتقول أنا ماضية إن محدش يشيلني، المخرج قال هنتناقش في المشهد دا بعدين ومش هنعمله دلوقتي، دخلنا في مشهد وهي نايمة علي السرير، وأنا ك دكتور نسا بكتشف إن هي حامل، هكتشف إزاي إنها حامل من غير ما اكشف عليها، وأجس النبض فرفضت منه، فالمخرج أصر على المشهد واليوم خلص وتاني يوم بيقولولي إنها انفصلت عن جوزها".