تعجب الإعلامي عمرو أديب من انقسام النواب حول اتفاقية تيران وصنافير، قائلا: «أنا مستغرب من اللي بيحصل في البرلمان عن تيران وصنافير، مفيش حاجة اسمها رأى، وجب أن الموضوع يؤخذ بشكل علمي بحسب الوثائق والمتسندات».

وقال أديب خلال تقديمه برنامج «كل يوم» المذاع على فضائية «أون لايف»، أمس السبت: «لو هنقعد نقول ونتهم اللي بيقول تيران وصنافير مصرية بأنه ميعرفش حاجة في الأمن القومي، واللي يقول سعودية يبقى خاين.. مش هنخلص، إحنا عايزين حقنا وندى الناس حقها، ولو الجزر بتاعتنا منفطرش فيها، لو بتاعت حد تاني تحرم علينا».