سخر الفنان بيومي فؤاد، من أحاديث الزوجات حول الهدايا، قائلًا: «الستات بتحب الهدايا، أوعى مراتك تقولك أنا مش عايزة حاجة يا حبيبي وتصدق، هتقع في نفس الغلط، بتاع يوم وأنت رايح تخطبها، وأبوها يقولك يا ابني إحنا ملناش طلبات احنا بنشتري راجل، وانت تصدق، والدمعة تفر من عينك وتقول أد أيه ناس محترمة، ومخدتش بالك أن هم خدوا كل اللي عايزينه بالجملة السحرية دي».

وأضاف «فؤاد» خلال تصريحات تلفزيونية ببرنامجه «بيومي أفندي» المذاع عبر فضائية «DMC»: «أوعى مراتك تقولك أنا كفاية عليا وردة أو هدية رمزية وتصدقها، الهدية الرمزية دي كنت بتديها للمدرسة بتاعتك في عيد الأم علشان تنجحك، إنما الهدية الرمزية في قاموس الزوجات يعني سوليتير وأنت طالع».