كشفت الفنانة والإعلامية إسعاد يونس، عن أول هدية تحصل عليها في العام الجديد 2022.

 ونشرت إسعاد يونس، صورة دمية، عبر حسابها على موقع "إنستجرام"، وعلقت قائلة: "العروسة دي اسمها عزيزة أول هدية جتلي في ٢٠٢٢".

وأعلنت دار نهضة مصر للنشر إطلاق كتاب إسعاد يونس الجديد بعنوان «لسه الحياة ممكنة...أيوه ممكنة»، ليتصدر أبرز إصداراتها لمعرض القاهرة الدولي للكتاب في دورته القادمة الـ 53، المتوقع انعقاده الشهر القادم في 26 يناير 2022. 

الكتاب يتناول بعضًا من حياة الكاتبة "إسعاد يونس" عبر سرد مواقف وحكايات مرت بها، حيث تصف الكتاب كما جاء في كلمتها عبر الغلاف قائلة:  "اللي بين إيديكم بعض من أيامي وأفكاري، حكاياتي مع ناس طيبة وحلوة وغالية مرت في عمري، مواقفي مع الأيام اللي تضحك وساعات تحزن وساعات تخليك تفكر وتسرح في اللي ورا المعاني. أيوه ما هي الكتابة طول عمرها كانت رفيقة رحلتي في الحياة... عبرت بيها عن اللي مر بيا واللي مر عليا.. اللي بين إيديكم.. مش تنظير ولا فلسفة ولا أي حاجة من المعاني المجعلصة دي...دي تجربة إنسانة في التعبير عن مشاعرها يمكن تنفع حد أو تضَّحك حد أو تخلي حد يفكر في حاجة أحلى ينفع بيها الدنيا ونفسه. أيوه أصل احنا كلنا شبه بعض أوي مهما اختلفت التفاصيل وملامح الحاجات ونتايجها...كلنا بشر بنخاف ونحب وننبهر بالقدوة ونتوتر من التغيير والجديد في حياتنا ونقهر من الغدر والندالة.. وعشان كده اسمع مني وخدها حكمة من إسعاد بنت يونس: مهما حصل في الكون، ومهما عدى عليك افتكر كويس إن الحياه لسة ممكنة.. أيوه ممكنة".

يعد الكتاب يعد الإصدار الرابع للكاتبة إٍسعاد يونس مع دار نهضة مصر للنشر، حيث قامت الدار بنشر كتابيها "زي ما بقولك كدة " في 2016 (وذلك في جزأين)،  و"جايلك في الكلام" عام 2018.