كشفت الفنانة كارولين عزمي عن تعرضها للتحرّش في الطريق العام، أثناء قيادتها سيارتها، مؤكّدة أنها تعرّضت أيضًا إلى السب والقذف من الشخص الذي تحرّش بها.

وعلّقت كارولين على مقطعي فيديو نشرتهما عبر «إنستجرام»، وكتبت: «مساء الخير.. أنا اللي يعرفني أو متابعني عارف أني شخص مالوش في المشاكل ولا عمري شاركت مشكلة تخصني عبر السوشيال الميديا»

وأضافت: «باختصار.. النهارده كنت في عربيتي وجنبي عربية فيها واحد كسر عليا كل اللي عملتو إني بصتله وبصيت قدامي، فلقيته بيكرر الحركة نفسها تاني باستظراف، روحت طلعت الموبايل وعملت نفسي بصوّر عشان أخوفه وأخليه يبطل يضايقني اتفجأت وهو بيقولى بتصوريني، وسبني، ساعتها اتخضيت وبدأت أصور بجد، وأنتم هتشوفوا في الفيديو الحركات اللي بيديه والشتائم".

وتابعت: «وبدأ يقول لي تعالي ورايا، والحقيقة إني مش عارفة أروح واره فين، أو كان عايز يعمل إيه، ولأني توترت وخفت، ساعتها مقدرش أصور 1% من اللي عمله الشخص ده».

واستطردت: «أنا اتشمت واتنهت واتشمت بأهلي بأقذر الشتايم النهارده من حد معرفوش ولا عملتله حاجة، ولا فتحت بقي، لمجرد أنه شخص مريض».

وختمت: «أكيد الشخص ده أذى بنات كتير لأنه تقريبًا متعود على الحركات دي، ومتعود يخوفهم ومش همه حتى إنه يتصور ويتفضح.. أنا عايزة حقي يرجعلي».

 

 

 

 

View this post on Instagram

 

 

 

 

 

 

 

 

 

 

 

A post shared by Caroline Azmi - كارولين عزمى (@carolinekamalazmy)

وفي سياق متصل، تنتظر كارولين عرض الجزء الثالث من مسلسل «أبو العروسة»، الذي تشارك ببطولته مع: «سيد رجب، سوسن بدر، رانيا فريد شوقي، نيرمين الفقي، محمود فايز، مدحت صالح، أحمد صيام، هدى إدريس، ميدو عادل، محمود حجازي، صفاء الطوخي،محمد حاتم، كوكي مجدي، ندا عادل، أماني كمال، ولاء الشريف، وديانا هشام، تأليف هاني كمال، وإخراج كمال منصور.

وتدور أحدث مسلسل "أبو العرسة" في إطار عائلي، حول أهم القضايا والمشاكل  التي يعاني منها المجتمع المصري والأسرة الواحدة واختلاف وجهات النظر بين الأجيال المختلفة الآباء والأبناء، نظرًا لاختلاف الأجيال والتطور الكبير الذى طرأ على المجتمع، ويستهدف المسلسل الطبقة الوسطى والتحولات التى أصابتها، وأهم الازمات التي يقع فيها الأزواج والزوجات، أيضا أهم القضايا التي تواجه الشباب.