كتب: إسلام أحمد

"الست فينا بتجوز عشان تلاقى ظهر تتحامى فيه، لكن لما يكون جوزك زى أختك تبقى كارثة"..  بهذه الكلمات عبرت "إيمان .ا" أمام محكمه الأسرة  بزنانيري، أثناء إقامتها دعوى خلع  ضد زوجها بسبب ضعف شخصيته، قائلة: "اتجوزت منذ سنة ونصف، وبالرغم من رفضي لمدة طويلة الزواج فأنا من العاملين بإحدى محاكم الأسرة في أحد مكاتب تسوية المنازعات، ورأيت ما يجعلني أعزف عن الزواج  ولكن المجتمع لم يتركني وجعلني أوافق بالارتباط، ولكن للأسف اختار أهلي العريس".

وأضافت الزوجة: "اتهمني زوجي فيما بعد أن عملي بمحكمة الأسرة عقدني، ولكن بالعكس لقد اكتسبت خبرة بالمشاكل التي يمر بها البيت  وجعلتني أكثر عقلانية، بصراحة عمري ما كنت أتصور أنى أقف قدام المحكمة وأتكلم عن مشاكلي الخاصة مع جوزي بس ذي ما بيقولوا طباخ السم بيدوقه".

واستطردت: "البداية كانت في ليلة الزفاف، كان مرتبكا وخايف كده معرفش ليه بصراحه أخذت انطباع سيئ عنه، وتعامله مع أهله، والناس كان غريب، كان يسامح كل الناس ويتنازل عن حقه، أمه كانت بتزعق فيه قدامي، وكان لما بتعاكس وأقوله أتكلم كان يقولى إيمان ا أقصرى الشر"، متابعة: "طب أعمل إيه لراجل ذي ده؟! أعيش إزاي معاه وهو مش راجل الواحدة بتتجوز علشان يكون ليها سند مش علشان تكون هي راجل البيت ". 

وتابعت: "بعد 6 أشهر من الجواز أتأكدت إني لازم اطلق  بس قولت معلش أجى على نفسى وأعطى له فرصة لعل وعسى، ولكن بعد 14 شهرا أيقنت إني بضيع  وقت من عمرى وأنا معاه كنت بشتغل في البيت وبره وبصرف على البيت بس مستحملتش فقررت الانفصال".