وجّهت الفنانة كارولين عزمي الشكر لوزارة الداخلية والنيابة العامة بعد القبض على المتهم بالتحرّش بها، واتخاذ الإجراءات القانونية ضده.

وكتبت كارولين عبر حسابها على "إنستجرام": «الحمد لله حقي رجعلي.. عايزة أشكر وزارة الداخلية والنيابة العامة على سرعة الاستجابة ووقفتهم.. شكرًا إنكم مسكتوا الشخص دا في اليوم نفسه».

وأضافت: «أحب أقول لكل البنات.. أي موقف تتعرضي له أوعى تسكتي.. واجهي ومتخافيش وحقك هيجيلك.. إحنا في بلد فيها قانون»، نافية تنازلها عن حقها، موضحة: «مع احترامي لزوجته وأولاده.. بس أنا مش هتنازل، وأتمنى يكون درس ليه وعبرة لغيره».

 

 

 

 

View this post on Instagram

 

 

 

 

 

 

 

 

 

 

 

A post shared by Caroline Azmi - كارولين عزمى (@carolinekamalazmy)

وقبل يومين كشفت كارولين عزمي عن تعرّضها للتحرّش أثناء قيادتها لسيارتها، ووثقت الواقعة بمقطعي فيديو نشرتهما عبر «إنستجرام».

وعلّقت كارولين على مقطعي الفيديو قائلة: «مساء الخير.. أنا اللي يعرفني أو متابعني عارف أني شخص مالوش في المشاكل ولا عمري شاركت مشكلة تخصني عبر السوشيال الميديا»

وأضافت: «باختصار.. النهارده كنت في عربيتي وجنبي عربية فيها واحد كسر عليا كل اللي عملتو إني بصتله وبصيت قدامي، فلقيته بيكرر الحركة نفسها تاني باستظراف، روحت طلعت الموبايل وعملت نفسي بصوّر عشان أخوفه وأخليه يبطل يضايقني اتفجأت وهو بيقولى بتصوريني، وسبني، ساعتها اتخضيت وبدأت أصور بجد، وأنتم هتشوفوا في الفيديو الحركات اللي بيديه والشتائم".

وتابعت: «وبدأ يقول لي تعالي ورايا، والحقيقة إني مش عارفة أروح واره فين، أو كان عايز يعمل إيه، ولأني توترت وخفت، ساعتها مقدرش أصور 1% من اللي عمله الشخص ده».

واستطردت: «أنا اتشمت واتنهت واتشمت بأهلي بأقذر الشتايم النهارده من حد معرفوش ولا عملتله حاجة، ولا فتحت بقي، لمجرد أنه شخص مريض».

وختمت: «أكيد الشخص ده أذى بنات كتير لأنه تقريبًا متعود على الحركات دي، ومتعود يخوفهم ومش همه حتى إنه يتصور ويتفضح.. أنا عايزة حقي يرجعلي».

 

 

 

 

View this post on Instagram

 

 

 

 

 

 

 

 

 

 

 

A post shared by Caroline Azmi - كارولين عزمى (@carolinekamalazmy)

ونجحت الأجهزة الأمنية بمديرية أمن القاهرة، في القبض على السائق، وبمواجهته، اعترف بارتكابه الواقعة على إثر حدوث خلافات بينهما لانحراف المذكورة بسيارتها عليه أثناء القيادة حال استخدامها الهاتف المحمول.

وتحرر محضر بالواقعة، وتولت النيابة العامة التحقيق.