قال وليد منصور، عبر صفحته الشخصية على موقع التواصل الاجتماعي "فيس بوك"، تعليقًا على هذا الأمر: "فخور جدًا بصديق عمري اللي شوفت تعبه ونجاحه ومعاناته خطوة بخطوة قدام عيني تامر حسني وفرحان من قلبي فرحة لا توصف، لأنه من سنة كان بيقولي تفتكر هوصل لطباعة اليد في هوليوود كنت بقوله دايمًا والله لتوصل".

وأضاف: "لما قرأنا الخطاب مع بعض أنا وهو وكان مكتوبا فيه تتشرف إدارة المسرح الصيني الأثري بدعوتك لحضور مراسم تتويجك لاختيارك أول شخصية في التاريخ تحمل جنسية مصرية عربية فقط يخلد اسمه على جدران هوليوود، وسيعرض فيلمي تصبح على خير ليكون أول إنتاج مصري في التاريخ يعرض في هوليوود بجد لحظة عمري ما هنساها ومش هنسى برضه إني كنت بحلفلك أن بمجهودك الكبير ده لازم تلاقي ده ألف مبروك يا صاحب العمر".

كما أعرب نجم الفنان تامر حسني، عن سعادته الكبيرة باختيار فيلمه الجديد "تصبح على خير"، للعرض في هوليوود بدعوة من مجلة enigma العالمية في 9 أغسطس المقبل.

حيث نشر عبر حسابه الشخصي على موقع "فيس بوك" : "والله العظيم كان حلم من أحلام حياتي اني اكون فنان مصري عربي وأحد مشاهيرالعالم اللي ممكن صوته يوصل لكبار متخصصين الفن في العالم عشان يقيموا مشواري الفني ويتعملي الطباعه الأسمنتيه لليد والقدم في هوليوود".

وأضاف: "إنما كمان اكون أول فنان عربي وكمان فيلمي تصبح على خير هيكون أول إنتاج مصري يعرض على شاشات هذا المسرح العريق في هوليوود ده كرم كبير أوي ولحد ما تمت دعوتي للتكريم ولوقتنا هذا أنا والله لسه مش مصدق وخايف أفرح أصلاً".

وتابع: "بس كان لازم أعبرلكم عن صدمتي وفرحتي بالتكريم ده أصله ليه معنى كبير أوي عندي كمصري عربي لازم تعرفوا أن مفيش مستحيل مهما شوفتوا أي ظروف وواجهتوا أي صعاب طول ماأنت بتحلم وبتسعى وبتجتهد مفيش مستحيل شكراً مجلة enigma العالمية (الحمد لله)".