كشف الفنان كريم سرور، عن تدهور حالته الصحية، وذلك نتيجة إصابته بالقولون العصبي، طالبًا من جمهوره الدعاء له.

ونشر كريم سرور عبر صفحته الرسمية بموقع التواصل الاجتماعي «فيسبوك» قائلًا: «يا رب ادعولي يا جماعة أنا حالتي بتسوء أوي».

وكان الفنان كريم سرور أعلن منذ أيام، عن معاناته مع مرض القولون العصبي، ونشر عبر صفحته الرسمية قائلًا: «أنا بعتبر ألم القولون العصبي هو أشد أنواع الألم اللي بمر بيهم في حياتي.. حرفيًا بعتبره تكفير ذنوب.. مش لشدته أو لأنه بينتشر في الرقبة والضهر والكتفين والضلوع وبيزيد مع كل نفس أو أقل حركة».

وأضاف كريم سرور: «لأ مش عشان كده بس.. عشان ملوش مسكن فعال ولحظي وعشان كمان بيستمر بالأيام.. أقل نوبة قولونية عصبي بتجيلي بتقعد من 4 أو 5 أيام.. وكده بيبقى وقت قليل جدًا لأنها أحيانًا بتستمر حتى أسبوعين ومرة قعدت حوالي 25 يوم ومع تغيير الطاقم الطبي ونوع العلاج على مدار 14 سنة، وكل ما أقول وصلت لحل نهائي من غير ما استسلم للعقاقير المهدئة عصبيًا.. اللي أكيد اتكتبتلي عشرات المرات كحل جذري.. أتفاجئ في النهاية بنوبة قولونية حادة دون أي أسباب».

وتابع كريم سرور قائلًا: «وصرخ بقى وألطم يا كيكو على وشك من الألم لحد ما يبانلك صاحب.. والله يا جماعة بدون أدنى مبالغة.. ولا ليكم عليا حلفان.. أحيانًا بقعد بالساعات بحاول بس أقوم أخش الحمام من شدة الألم مع كل حركة.. دعواتكم بقى عشان الانتحار بقى أهون من الألم الحاد المستمر ده دون معرفة العلاج».