دار الهلال

رئيس مجلس الادارة

عمــر أحمــد ســامي

رئيس التحرير

طــــه فرغــــلي

«الاختيار 3».. أبرز التسجيلات الحقيقية في الـ20 حلقة الأولى (فيديو)

22-4-2022 | 00:18

الاختيار 3

منار بسطاوي

عرض الـ20 حلقة الأولى من ملحمة "الاختيار 3"، العديد من الأحداث المهمة في تاريخ مصر، خلال فترة حكم جماعة الإخوان الإرهابية، وكشفت عن مجموعة من التسجيلات الحقيقية لأول مرة، اتضح بها الوجه القبيح لجماعة الإخوان الإرهابية.

وتستعرض «دار الهلال» أبرز التسجيلات التي عُرِضت في العشرون حلقة من مسلسل «الاختيار 3: القرار».

مرسي متخوف بعد عزل المشير طنطاوي

في الحلقة الثانية من مسلسل "الاختيار 3"، عُرض تسجيلًا حقيقيًا للمعزول محمد مرسي، بعد عزل المشير طنطاوي، وزير الدفاع الأسبق، وأكّد تخوفه من ردود أفعال الشعب المصري، كما حرص على أخذ رأي الأمريكيين.

تسجيل عبد المنعم أبو الفتوح

وكشف مسلسل الاختيار 3 الحلقة 3 عن أحد التسجيلات الواقعية لـ عبدالمنعم أبو الفتوح، كشف خلاله عن رفضه سيطرة جماعة الإخوان الإرهابية على مؤسسات الدولة.

وقال أبو الفتوح، في لقاء بالحوار الوطني بين المجلس العسكري والقوى الوطنية: ""لو حضراتكم ماخفتوش من سيطرة الإخوان يبقوا مش بتخافوا على مستقبل مصر، ودا مش طبيعي أن الجيش يبقى غايب عن مستقبل مصر".

وأضاف أبو الفتوح: "منطلق كلامي هو الخوف على المؤسسة العسكرية وغيرة عليها.. أنا لو هختار بين الإخوان وبينكم هدي صوتي لأي حد فيكم، بما فيهم المشير طنطاوي".

محمد بديع عن عبدالمنعم أبو الفتوح

كما عُرض بالحلقة الرابعة من مسلسل "الاختيار 3" تسجيلًا حقيقيًا لمرشد الإخوان محمد بديع، أثناء حديثه عن عبدالمنعم أبو الفتوح.

وقال مرشد جماعة الإخوان الإرهابية عن أبو الفتوح: "أنا أعرفه أكتر من حضراتكم.. أرجو أن تعفوني إني أتكلم عليه.. نحن لم نفصله إلا لأنه لم يلتزم واللي ميلتزمش بوعده مع إخوانه وبعتلي وقالي لما الدكتور سليم العوا يترشح أنا هنسحب من القصة".

وأضاف محمد بديع: "قولتله أنا بنصحك تتقدم نقيب أطباء والناس ساعتها هتحبك والإخوان هتحبك والمشكلة اللي بينك وبين الإخوان اتحلت لأنك رجعت للصواب.. قالي لأ عايزها".

خيرت الشاطر: أعضاء الجماعة لا يحملون إلا الثأر الدفين للقوات المسلحة

عرضت قناة «ON» الحلقة الخامسة من مسلسل «الاختيار 3» بعنوان «الإعلان الدستوري»، والتي انتهت منذ قليل، وشهدت فيديو حقيقي مسجل لخيرت الشاطر، والذي أوضح من خلاله أن الإخوان بداخلهم جميعًا ثأر من القوات المسلحة المصرية

وقال خيرت الشاطر في الفيديو: "أعضاء الجماعة لا يحملون بداخلهم غير الثأر الدفين للقوات المسلحة والمجلس العسكري، وذلك على المستوى الشخصي لكل واحد فينا".

خيرت الشاطر: النيابة العامة لازم تتفور

وقال خيرت الشاطر في تسجيل حقيقي عرض بالحلقة السادسة: "ده حضرتك من الآخر كل اللي اشتغل في نيابة أمن الدولة وجزء كبير من النيابة العامة لازم يتفور كله لأن ده جهاز اتربى على التبعية للسلطة وكتير جدا بشكل كبير يعني مش بيخلصوا حاجة كدا لله وللقانون".

مرسي يهدد بحرق مصر إذا لم يصبح رئيسًا

فجّرت الحلقة الثامنة من مسلسل "الاختيار 3: القرار" مفاجأة مدوية، بإذاعة تسجيل حقيقي يُعرض لأول مرة، جميع بين المشير محمد حسين طنطاوي، واللواء عبدالفتاح السيسي، والمعزول محمد مرسي، قبل إعلان نتيجة الانتخابات الرئاسية في العام 2012.

وقال المشير طنطاوي: "أنا أتابع السيسي منذ أن كان برتبة مقدم، وهو لا يؤتمن على الجيش فقط، بل يؤتمن على البلد كلها.. والمفروض لا يكون موجوداً لأن هذا الكلام بيني وبينك، لكن هذا يعني أنه مثل ابني".

ورد مرسي: "أنا أعلم هذه العلاقة إلى أي مدى، وأعلم الثقة"، ليقول طنطاوي: "قربه من الله، وإخلاصه لله، الحمد لله"، ليرد السيسي: "يا رب أكون كذلك".

وقال مرسي: "اللواء عبدالفتاح السيسي شخصية الحقيقية نحن نعتبره من الأسس التي معك، الذراع الأساسي، لن نقول الذراع الأيمن"، ليرد طنطاوي: "من زمان أنا واضع عيني عليه".

وقال مرسي: "النتيجة لا تتغيّر لأن هذا إذا حدث ليس لها من دون الله كاشفة.. الموجة الموجودة موجة إضرام نيران لمن لا يُقدّر المسؤولية"، ليقول المشير: "لو حصل، وجهة ما حاولت أن تضرم النار في البلد ستكون مصيبة على البلد وعلينا كلنا.. خذ بالك من ذلك ولا داعي لهذه الأشياء".

ليقول مرسي: "التصرّف الموجود والشعور الموجود تلقائي شعبي وليس مخططًا له"، ليقاطعه طنطاوي: "لا مخطط له"، وطلب مرسي إلغاء قرار حلّ مجلس الشعب، وقال المشير: "ليس من سلطتي إلغاء هذا القرار لأنه قرار محكمة والتنفيذ شيء والقرار شيء آخر".

ليرد مرسي: "استمع إليّ" ليقول طنطاوي له: "استمعت إليك كثيراً جداً"، وقال مرسي: "اقترحت إلغاء قرار حل مجلس الشعب، أو إحالته إلى لجنة الفتوى والتشريع إلى أن تقول رأيها، ليرد المشير: "لو جمعت المجلس وعرضت عليهم لن يوافق عليه أحد".

وواصل مرسي: "إذا استشعر الناس تغيير النتيجة"، ليقاطعه المشير: "أي شعب أم تقصد فئة معينة؟.. معظم الشعب يقولون كلامًا مختلفًا".

ليختم مرسي قائلًا: "تغيير النتيجة سيؤدي إلى كثير من الاضطرابات وهناك خطر حقيقي".

تسجيل يكشف تورط محمد البرادعي مع الإخوان

عرضت الحلقة التاسعة من مسلسل "الاختيار 3"، تسجيلًا حقيقًيا تم الكشف عنه، وظهر به المعزول محمد مرسي مع القيادي الإخواني خيرت الشاطر.

وكشف المعزول مرسي عن أن محمد البرادعي كان يريد تولّي منصب رئاسة الوزراء، لافتًا إلى أن حزن حزنًا شديدًا بعدما تولى الوزارة هشام قنديل، وأكد إجراءه اتصالًا هاتفيًا مرتين بالمعزول.

ومن جانبه أكد خيرت الشاطر أن رفض الجماعة تولي البرادعي رئاسة الوزراء تعتبر رسالة له، وعلّق قالًا: "الإخوان مش هيدوله في انتخابات الرئاسة وهو كان بيراهن على كده".

وأضاف المعزول محمد مرسي أن الإخوان لم تعده بانتخابه في الرئاسة، وتابع الشاطر أن سبب انسحاب البرادعي من انتخابات الرئاسة هو اتباعه الطريقة "الأمريكاني"، لافتًا إلى تعاطف البعض معه، وأيضًا تأكده أن الجماعة الإرهابية لن تمنحه أصواتها في الانتخابات.

تسجيل خيرت الشاطر عن السلفيين

وعرضت الحلقة العاشرة من مسلسل " الاختيار 3"، تسجيًلا حقيقًا يُعرض لأول مرة للإرهابي خيرت الشاطر، وتحدّث خلاله عن مخططات الجماعات الجهادية داخل مصر.

وقال خيرت الشاطر: "المجموعات الرئيسية اللي كانت بتدعم حازم وهي في مئات الآلاف على مستوى الجمهورية مختلف المحافظات يعني في مطروح في كفر الشيخ السلفية الشعبية اللي بتتبناه وجزء من السلفيين في القنوات الفضائية، همّا دول مش منظمين يعني مش جسم يقدر يجمع ويعمل شغل كبير، إنما فيه مجموعات خطر فيه مجموعة عبد المجيد الشاذلي بتاعة التبين أو مجموعة القطبيين أو السلفية الجهادية دول خطر حقيقي حتى لو قليلين في العدد لأن دول بشكل أو بآخر متبنيين فكرة العنف، وهم عندهم نظرية موجودة بتقول إننا نقفز على الحكم ودا تعديل في استراتيجيتهم السابقة يعني أن هو يبقى جزء من الإصلاح من فوق".

وأضاف الشاطر: "عبد المجيد وجه ندا الشهر اللي فات لبعض الجمعات اللي تبع القاعدة والناس بتاعه العنف أنهم ينزلوا مصر والمعلومات اللي عندنا أن في ناس نزلت يعني مش كتير 30 40 في ظل الهيصة الموجودة والأمور مش محكومة زي الأول على مستوى أمن الدولة والأجهزة، وممكن يبقى في تفكير في أحداث عمليات إرهابية وتفجيرات ودا لو توافق مع سكون عند الإخوان تبقى كارثة الجو نفسه مهيأ أني لو نزلت بمليونية وجه عندي صوت أروح وزارة الدفاع أو المحكمة الدستورية.. أنا قلقان من أن الفترة الجاية تلجأ للعنف حتى لو على نطاق صغير مش لازم يبقى خطر كبير ونرجع لأجواء 92 كان خمسة ستة بيعملوا فرقعة في المتحف بتعملنا دوشة".

محمد مرسي عن ثورة 25 يناير

وكشفت الحلقة 11 من مسلسل "الاختيار 3" إحدة التسجيلات الحقيقية التي ترصد اجتماع قيادات الجماعة الإرهابية مع المعزول محمد مرسي، وتحدثوا به عن الجرائم الجماعة في أحداث 25 يناير.

وقال المعزول محمد مرسي خلال التسجيل: "إحنا عندنا بعض المعلومات كنا نخشى على صاحب الحكاية نقوله اتعدل ولا.. يعني أنا فاكر إن اللي اسمه إيه دا يعني أنا فاكر بتاع الحزب الوطني دا اللي اسمه محمد رجب أنا عرفت أن هو كان قاعد بيرتب وجايب 3000 واحد وقاعد معاهم في مقر الحزب في الجيزة ومش عارفين فين اتصلت بيه في التليفون قلتله يا محمد يارجب لم نفسك أحسن أنت لو فكرت تجمع 3000 واحد هنحاصرك بـ 30000 وانت وهم هتروحوا في ستين داهية".

خيرت الشاطر الإرهابية تتعاون مع إسرائيل

كما عرض مسلسل "الاختيار 3" الحلقة 12 تسجيلًا حقيقيًا للإرهابي خيرت الشاطر، وأكّد أنه إذا حدثت ثورة جياع في مصر، سوف تتسبب في خطر على مصالح الجماعة مع "إسرائيل".

وقال خيرت الشاطر خلال التسجيل: "لو حصلت ثورة جياع فيها خطر على مصالحكم.. وعلى مشروع إسرائيل.. النهاردة لما شعب وقف وقال عاوزين نروح الحدود مع إسرائيل.. كلنا وقفنا وقلنا لأ".

وأضاف خيرت الشاطر: "واتصلنا بخالد مشعل.. وقلنا طلَّع بيان للإعلام.. وقالوا مش عاوزين المصريين يروحوا.. إحنا دلوقتي مش عاوزين انهيار في البلد.. مش عاوزين فوضى مش عاوزين تخريب، ولا حتى ضد مصالحهم، إحنا مش في حرب مع حد".

وشهد مسلسل "الاختيار 3" الحلقة 13، عددًا من الأحداث المهمة لمصر في فترة حكم الجماعة الإرهابية، ومن أبرزها عرض تسريب حقيقي للقاء يجمع بين الفريق أول عبدالفتاح السيسي، وزير الدفاع آنذاك، وقيادات الجماعة الإرهابية، ومن بينهم المعزول محمد مرسي، ونائب المرشد خيرت الشاطر .

وصرح الفريق السيسي في حديثة لقيادات الإخوان قائلًا: "لازم المعادلة الموجودة للرأي العام تتغير في ناس كتير معجبة إنها بتتكلم.. محدش طلع قال إن ما نراه هو محاولة لعرقلة الانتخابات في مصر عشان متحققش الاستقرار.. لا أنا راجل بنظر نظرة سياسية.. وفي فصيل ممكن يقود البلد في يوم من الأيام.. أنا مش بدافع عن حاجة وإحنا ربنا سبحانه وتعالى هيحاسبنا على الكلام اللي بنقوله ده.. إذا كانت الدولة بتقع مننا وبنحجم عن إننا نتكلم أو ناخد موقف عشان ده ميأثرش على مكانتنا أو دورنا السياسي يبقى مننا لله".

أبو الفتوح عن حازم أبو إسماعيل

وأكد القيادي الإخواني السابق عبدالمنعم أبو الفتوح، أن وصول حازم صلاح أبو إسماعيل، مرشح التيار السلفي بانتخابات الرئاسة في 2012، كان يمثل كارثة على مصر.

وقال في تسجيل حقيقي، يعرض لأول مرة، خلال أحداث الحلقة 14 من مسلسل "الاختيار 3": "كنت أرى في حازم صلاح أبو إسماعيل الإنسان المتدين، لكن وصوله للسلطة كارثة، أنا قلتله يا سيادة اللواء: أنت لو وصلت للسلطة يا بني في مصر كارثة، إيه اللي بتعمله دا؟، مصر تستحمل الهباب اللي أنت بتعمله؟ أي دا بتعمل إيه؟ لكن للأسف كان ليه مناصرين ومؤيدين، وجت من عند ربنا ولا كنت أعرف أنه أمه أمريكية ولا خالته إيه ولا أي حاجة".

تسجيل جديد لمحمد مرسي

وشهدت الحلقة 15 من مسلسل "الاختيار 3: القرار"، تسجيلًا جديدًا لمحمد مرسي.

وقال مرسي خلال التسجيل: "المسألة لا تتجاوز 500 600 ألف مش أكتر من كده بتاتًا، الألتراس طبعًا مزود عدد المشاركة، و6 أبريل لما يجمعوا نفسهم، أحمد ماهر يوم الجماعة لما الإخوان اتكاثروا على الساعة 6، بعد 4 كده جه يقول الواد رجع في كلامه، بعدما كان بيقول الأخ سامعه بودني بيقوله دي فرصتنا نكسر الإخوان، أحمد ماهر بيعمل كدا".

المرشد استكمل الحديث: "قاله دي فرصتنا النهاردة نكسر الإخوان"، ليرد مرسي: "لما بدأت الناس تيجي العيال الفاضية بتاخد فلوس أمال بياكلوا منين دول".

بينما عقب المرشد: "وبقالهم وضعية والناس بتتكلم عليهم"، ليرد مرسي: "وهتلاقي الساعة 10 طالع على الفضائيات وعمال يوزع الاتهامات والتوجيهات.. المسألة دي عاوزة تتلم".

محمد مرسي يؤكد مسؤولية الجماعة في 25 يناير

وشهدت الحلقة 16 من مسلسل "الاختيار 3: القرار"، بعنوان "الانتخابات البرلمانية"، تسجيلا جديدا للمعزول محمد مرسي.

وقال المعزول مرسي: "وعمر عفيفي أتصل من امريكا وقال مش عارف اي خطة الهجوم على الميدان.. هو بيستعبط.. وأنا مش فاهم ابراهيم المعلم بيعمل اي دا محيرني بصراحة يقعد يتصل بيا يقول انتو بابا وانتو ماما وانتو أنور وجدي وبعدين تبص تلاقي كاركتير في غاية السوء مهيج".

وأضاف: "شوف أيمن نور دا بيتحايل عليا أن أنا أقول لإخواننا يعفو عنه وبتاع ومش عارف اي عشان الحكم بتاعه.. يجمعهم في بيته تلت أربع خمس مرات يجيب 50 60 70 واحد ويرتب معاه عشان يوم 25 بني أدم عجيب الشكل ما بيتعظش أبدًا".

ليرد المرشد: "وحصل أي يوم خمسة وعشرين مشهد في العام كله بيقولوا أحسن من يوم 25 الأولاني".

تسجيل عن تحالف الجماعة الإرهابية والسلفيين

وكشفت الحلقة 17 من مسلسل "الاختيار 3" عن تسجيل حقيقي للجماعة الإرهابية، وقال الشاطر: "دلوقت قالهم بمنتهى الوضوح مفيش حاجة اسمها تحالف بين الإخوان والنور دا مرفوض وهيعملنا مشكلة كبيرة في مصر استقطاب الإسلاميين وغير الإسلاميين دلوقي أحننا نتبنى مبادرة وائتلاف واسع جدًا فيه كل من يرغب الانضمام له في مجلس الشعب"

وأضاف خيرت الشاطر: "وانتو هتبقوا موجودين في هذا الكيان اهلًا وسهلًا متجيش تقلي الوفد علماني دي كتلة مش عارف في الأول قبل الانتخابات كانوا رافضين دا وازاي خرجوا من التحالف السياسي عشان الوفد"

ليرد مرسي: "عملوا بالنصيحة أوي فرحوا نيلوها الناحية التانية ليقاطعه الشاطر على فكرة محمد نور بيشتغل لوحده"

وتابع مرسي:"محمد نور جه قعد معايا ليرد الشاطر قالو كلام كويس في القعدة اللي حضرها عماد أنا عرفت أن جاتله معلومة أكيدة"

وأضاف مرسي: "محمد نور قلي قبل كدا أنا وهشام مصطفى كنا شغالين في تنظيم وكنا بنتعامل مع أمن الدولة بس أنا بطلت مش عارف هشام مصطفى بطل ولالا وبعدين بيلعب في كل حاجة محمد نور"

فيما رد الشاطر: "على فكرة كان متجوز أجنبية.. والمؤتمر الأخير اللي عملوه وراح هو حضره دا لوحدة"

وقال مرسي: "دا عاملين هيئة عشان عشان مراقبة البرلمان دا شغل جنان رسمي"

ورد الشاطر: "ما هو دا محمد أنور وعصام سلطان والمصريين الأحرار".

الجماعة الإرهابية عن الانتخابات البرلمانية

عرضت الحلقة الـ18 من مسلسل "الاختيار 3"، تسجيلا حقيقيا لأول مرة، جمع بين المعزول محمد مرسي والإرهابي خيرت الشاطر.

وقال محمد مرسي: "لأ النهاردة بتوع اللجان قاعدين وكلهم عايزين لجنة العلاقات الخارجية.. محمد أنور السادات عايز لجنة العلاقات الخارجية، وإلا الدنيا مهدودة هو ورامي لكح.. هم عارفين إن رامي في المخابرات ومحمد أنور مع الإسرائيليين ومع إسرائيل يعني حافظينها وحافظين الحكاية.. لكن هو من زمان قالي بيني وبينه أنا هادخل الانتخابات ومش عايز غير حاجة واحدة بس.. من قبل الانتخابات قال لجنة العلاقات الخارجية.. محمد أنور السادات.. وبعدين على فكرة هو إمكانياته مش كبيرة.. مش عالية يعني".

الشاطر يكشف عن عدم ترشيح الجماعة للرئاسة

وعرضت الحلقة 19 من مسلسل "الاختيار 3" تسجيلا حقيقيا لـ خيرت الشاطر ومحمد مرسي.

وقال خيرت الشاطر: "الدكتور عبدالمنعم الآن له موقف احنا كجماعة واخدين قرار استراتيجي بأن لا يكون لنا مرشح للرئاسة واحنا بنقول هذا الكلام من عدة اعتبرات منها الاعتبار اللي حضرتك تفضلت بالإشارة إليه إن احنا جزء من منظومة دولية فلازم أنا دلوقتي مكررش مأـساة غزة وحماس هنا".

وأضاف: "نمرة 2 اأنا مدرك إن مشكلة مصر الآن وأزمتها لا يمكن لأي فصيل يعرف يشيلها لوحدة لازم الكل يحط إيده في إيد بعض فلو أنا جيت فرضت نفسي وقلت انا هقدم مرشح للرئاسة وحشدت والناس راحت وانتخبته فأنا خلاص يعني حفزت ضد كل اللي ممكن عايز يتحفز طيب ما |أنا ما أشتغل من ورا أو اشتغل بشكل جزئي لو الظروف سمحت واحط ايدي في إيد الكل على الأقل على ما يجربني مره واتنين ويصدق ان انا مش هدفي الحكم عبدالمنعم له توجه ان هو عايز ينزل رئيس جمهورية فواخد خط فانت يا دكتور يحي هتديه بصفته أيه وتحطه هو ولا اتنين وعصام وتدي احساس إن دول الإخوان وسايبنا احنا كلنا؟".

حديث محمد مرسي والشاطر عن عصام سلطان

عرض مسلسل "الاختيار 3" الحلقة 20 تسجيلًا حقيقيًا للمعزول محمد مرسي، والإرهابي خيت الشاطر.

وقال خيرت الشاطر: هو عصام مش عاقل أصلا في عداوته مش عاقل طبيعة شخصيته كده يعني عصام سلطان بس هو كان رئيس اتحاد الطلبة وعامل إنه زعيم وبعدين أحنا إشكاليتنا الرئيسية معاه بس منقدرش نعلنها صراحة إن هو لما فتح مكتب محامي كان عندنا أدلة إنه كان بيدي رشاوي وكده فيمنفعش أخلاقيا بغض النظر إنك تتفق سياسيا انك تتعامل معاه تحت أي ظرف زي واحد زنى مينفعش تقول عليه إخوان مسلمين.

وقال محمد مرسي: هو خد فلوس منين

خيرت الشاطر: أو واحد سرق أو أو وخلافه هو كان عنده انحرافات قوية بس احنا مش اسلوبنا اننا نتكلم في موضوعات

مرسي: خذ فلوس لما سافر إيران، وبعدين دا واحد جايبلي الوصل اللي غير بيه الفلوس حتى في مكتب من المكاتب