علق الإعلامي عمرو أديب، على تراجع موقف الدول الداعمة لمكافحة الإرهاب تجاه قطر، قائلا: "أنا خايف من الضغط وبلاش نتراجع أنتم اللي طلبتم الـ13 طلب من قطر، وأنتم بتتعاملوا في دم شعوب ومينفعش أي تراجع تجاه قطر".

وطالب "أديب" خلال برنامج "كل يوم" المذاع على قناة "ON E" اليوم الأربعاء، من الرئيس عبد الفتاح السيسي وباقي زعماء المنطقة بعدم التراجع في حق الشعوب، قائلا: "إحنا كل يوم بندفن 20 شهيد ومش لازم يبقي فيه أي تهاون مع إرهاب قطر.. محدش يبيعنا إحنا عاوزين حقنا من قطر".

وعقب "أديب" على موقف أمريكا من الأزمة القطرية قائلا: "هي أمريكا هتقولنا يمين يمين أو شمال شمال!"، محذرا من تكرار أي عمليات إرهابية في الدول العربية، قائلا: "لو حصل أي عمليات إرهابية في السعودية أو الإمارات أو البحرين أو مصر محدش بقى يتكلم بعد كده".