أعلن الفنان محمود المهدي، إقامة حفل زفافه على الفنانة منة عرفة في جو عائلي.

وكتب محمود المهدي، عبر حسابه على موقع التواصل الاجتماعي "فيسبوك"، قائلًا: «الحمد لله تم الجواز والدخلة والفرح كان صغيرًا ومقتصرًا على الأهل فقط، ومنشرناش صور الفرح عشان حياتنا الخاصة هتكون خاصة بينا فقط، حبيت أبلغكم عشان نفرحكم معانا».

وكانت الفنانة منة عرفة كشفت عن سبب طلاقها من محمود المهدي، قائلة: "ده قرارنا إحنا الاتنين، لأن الموضوع بنا مبقاش حب ورومانسية زي الأول.. وفجأة الدنيا بقيت مشكلات كتير، وأطراف تتدخل وناس تتكلم.. والناس بقيت عارفة كل حاجة.. واللي ميعرفش حاجة عامل نفسه عارف وبردو بيتكلم".

وأضافت منة: "الناس بتخش تحاكمني، وتقولي أنتي موقفتيش مع جوزك.. أنتي ليه ملتزمة الصمت!.. طب اطلعي دافعي عنه حتة".
 
وتابعت: "مين قال إن أنا موقفتش جمبه!.. مين قال ان انا مدافعتش عنه!..مين قال ان انا مقعدتش وحاولت أحل!.. مين قال إن أنا ما سعتش علشان نشوف حلول!.. أنتوا متعرفوش حاجة.. أنتوا بتوصلوا الناس لتفكير مش حلو.. ومحاولة للانتحار بسبب كلام الناس ده".