احتلت الفنانة رحمة حسن مقدمة قوائم الأكثر تداولًا على وسائل التواصل الاجتماعي ومحركات البحث، خلال الساعات الماضية، بعدما كشفت عن تعرضها لأزمة صحية بسبب عضّة كلب.

عضة كلب رحمة حسن

وكانت الفنانة رحمة حسن قد كشفت عن تعرضها للعض من قبل أحد الكلاب بالقرب من منزلها، وصدمتها من الحدث وتخوفها من القطط والكلاب بعد هذا الموقف.

وكتبت رحمة حسن عبر انستجرام:" مساء الخير..امبارح الساعة ١١ بليل كنت نازله أجيب حاجه من السوبر ماركت جمب البيت، وكنت ماشيه علي الرصيف وكان في عربيه بتركن جمبي عادي، فجاه الباب اتفتح ولقيت كلب (جيرمن شيبرد) تقريبا مَش متاكده اوي، بيهجم عليه بكل قوته، طبعا حاولت اجري لكن للأسف الكلب كان قوي وشرس ووقعني علي الارض، حاولت اقوم واجري وصاحبته حاولت تشده، بس فك الليش بتاعه وعضني عضة كبيره وغويطه بنابه في منطقه حساسة . صاحبه الكلب كتر خيرها اخذتني فورا علي مستشفي إمبابه، ادوني حقنه تطعيم الكلب ولسه فاضلي ٤ هاخدهم خلال شهر، بس المشكلة ان من امبارح الجرح بينزف دم كتير، وانا طبعا خايفة ومصدومة".

اقرأ أيضًا

وإلّا هعمل محضر.. رحمة حسن: "اتكلمت مع صاحبة الكلب اللي عضني وحددت لها شرط"

مسلسلات رمضان 2022.. رحمة حسن تكشف عن دورها في «ملف سري»

مرض رحمة حسن

واستطردت رحمة حسن:" تعبانه وعندي تروما من امبارح، والي واجعني اكتر اني مَش عارفه اتصرف ازاي .. خصوصا اني اكيد مَش عايزه الكلب يتاذي، بس كمان مَش عايزه اي انسان كمان يتاذي ويتعض ويتبهدل في الشارع زيي .. انا كنت بشوف الكلب ده دائما مع صاحبته بتمشي بيه في الشارع جمب البيت عندي، وعشان شكله شرس كنت بامشي بعيد عنه لما بشوفه، امبارح صاحبت الكلب قالتلي متخافيش هو عض ولادي قبل كدا وتمام محصلش حاجه ! طبعا انا اتصدمت لما عرفت انها مَش اول مره الكلب يعض حد ومع ذلك هي سايباه عادي في الشارع منغير كمامه او حد قوي يمسكه .. بجد حرام عليكم، الكلب لما بيكون حجمه كبير وشرس بيعتبر سلاح،وصاحبه مسؤل مسؤليه كامله عنه ويحاسب علي اهمال مسؤليته، خصوصا لو اهماله تسبب لشخص تاني في اذي بدني يحتاج اكتر من ٢١ يوم علاج واذي نفسي ماعرفش هايحتاج قد ايه عشان يخف".

رحمة حسن تتعرض لحادث

وبعد ساعات من نشر التغريدة الأولى، وجهت الفنانة رحمة حسن الشكر لجمهورها، وذلك لاهتمامهم بها، وحرصهم على الطمأنة عليها بعد تعرضها لحادث، وعض أحد الكلاب لها، واعتذرت لهم بسبب عدم استطاعتها لاستقبال المكالمات بالوقت الحالي، لافتة أنها ذهبت لدكتور وطمأنها على حالتها الصحية وهددت أصحاب الكلب إن لم يتم تأهيله فسوف تتخذ الإجراء القانوني ضده.

ونشرت رحمة حسن عبر صفحتها الرسمية بموقع تبادل الصور والفيديوهات "إنستجرام" قائلة: "مساء الخير أنا متشكرة جدًا لاهتمامكم ولكل الناس اللي كلمتني تطمن عليا.. وأسفة إني ماقدرتش أرد علي معظم الناس لأني كنت تعبانه ومش قادره أتكلم.. أنا رحت المستشفي النهارده وكشفت عند جراح متخصص.. وهو غير على.. الجرح وعمل اللازم والحمد لله طمني.. وقالي أتابع معاه الفترة الجاية وإني هاكون كويسة انشاء الله والجرح هاياخد وقته وهايخف".

مركز تأهيل

وتابعت رحمة حسن: "وبالنسبه للكلب فاحنا اتكلمنا مع صاحبته وطلبنا منها توديه مركز تأهيل وتدريب علشان تعدل سلوكه.. وتبعت لنا الورق الرسمي الي بيثبت أنها ودت الكلب فعلا.. وإلا هاعمل محضر.. وساعتها الكلب الي هيتضر.. ودي حاجه ماترضيش حد.. وهي كانت متفاهمه جدًا ووافقت وقالت أنها هاتعمل كدا أول الشهر الجاي.. علشان اخوها اللي هايوديه ويتولي مسئوليته".

وأضافت رحمة حسن: "الحمد لله أنا كويسة والكلب كويس وأتمني ان صاحبة الكلب تصدق في كلمتها وتودي الكلب فعلا مركز تعليم ويبقي كويس" .

واستطردت رحمة حسن: "دي صور لتطعيمات الكلب الحمدلله طلع مش مسعور".