كشفت تحقيقات نيابة السلام، أحداث جديدة في قضية مقتل الشاب أمجد، المتسابق في مسابقة أراب أيدول، والتي حملت رقم 9666 لسنة 2021، والمتهم فيها بائع كبده أثناء تعرضه للاعتداء من بائعين آخرين، حيث تلقى طعنة نافذة بالرقبة، قضت عليه في الحال.

حيث أكد عامل فى محل الكبدة فى التحقيقات حيث قال "اللي حصل إن أنا كنت شغال على عربية الكبدة بتاعت المتهم فارس والمتهم محمد نبيل وأحمد محمد، أخو فارس وبعدين لاقيت محمد نبيل رن على أمجد وبيقوله تعالى في مشكلة حاصلة عندك على العربية، وبعدها بشوية أمجد جه ووقف يتكلم مع فارس، وفارس قاله إنه كان عاوز ياخد مية من عربية الكبدة بتاعته، ومصطفى اللي واقف على العربية رفض، وقاله لا وشد معاه في الكلام وضربه فأمجد رد عليه وقاله أنت بتاخد اللي أنت عاوزه من العربية سواء كبدة أو خضار، أو أي حاجة بيحتاجها لكن المية في الناس بتشيلها على كتفها ويجيبها لحد العربية، وقاله أنت ممكن تجيب برميل وتملى وتستخدمها منه، راح فارس قال لا أنا هاخد بالعافية وقام زاقق أمجد.

بعدها فارس قام لافف من وراه وكتفه وضربه بالسكينة في رقبته وقاموا زقوه على العربية اللي كانت واقفة في المكان وبعدها أخو فارس جاب کرسي ونزل بيه على أمجد لحد ما وقع في الأرض، وفارس ضربة ضربة واحدة بالسكينة ومحمد نبيل ضربه بالقلم على وشه وأحمد محمد فارس ضربه حوالي أربع ضربات بالكرسي، والسكينة جات في رقبته والكرسي جه على جسمه كله".

وأمرت النيابة بحبس المتهمين 4 أيام على ذمة التحقيق.